सनराईज बैंकको ३० प्रतिशत हकप्रद खुल्यो, असार १९ गतेसम्म आवेदन दिन सकिने

काठमाडाै १६ जेठ  ।सनराईज बैंकले जेठ १६ गते मंगलबारदेखि चुक्तापूँजीको ३० प्रतिशत हकप्रद निष्काशन गरेको छ । बैंकले एक करोड ६३ लाख ५९ हजार छ सय ३६ कित्ता हकप्रद सेयर निष्काशन गरेको हो ।

सनराईज बैंकले हकप्रद निष्काशन तथा बिक्री प्रबन्धक प्रभु क्यापिटललाई तोकेको छ । बैशाख २८ गते विहीबारसम्म बैंकको सेयरमा स्वामित्व कायम गरेका सेयरधनीले असार १९ गतेसम्म प्रभु क्यापिटल लिमिटेड कमलादी तथा सनराई बैंकको सम्पुर्ण शाखा कार्यालयहरुबाट हकप्रद भर्न सक्नेछन् ।

बैंकको अहिले चुक्ता पूँजी पाँच अर्ब ४५ करोड ३२ लाख रुपैंया रहेको छ । ३० प्रतिशत हकप्रद बिक्री पश्चात बैंकको चुक्ता पूँजी सात अर्ब नौ करोड रुपैंया नाघ्नेछ ।

सनराईज बैंकले चालु आर्थिक बर्षको तेस्रो त्रैमासमा गत बर्षको यसै अवधिको तुलनामा ४८ प्रतिशत बढी ८६ करोड ५२ लाख रुपैयाँ खुद नाफा कमाएर प्रतिसेयर आम्दानी २०.९८ रुपैयाँ कायम गरेको छ ।

राष्ट्र बैंकले तोकेको आठ अर्ब पूँजी पुर्याउन बैंकले चालु आर्थिक वर्षको कमाईबाट ९० करोड बढी रकम बराबरको बोनस सेयर बितरण गर्नु पर्ने देखिन्छ । बैंकको सेयर आईतबार नेप्सेमा प्रतिकित्ता ४०० रुपैयाँमा कारोबार भएको छ ।