शुभकामना साकोसको १७औं स्थापनादिवस सम्पन्न « अर्थबजार – आर्थिक विकासको लागि सञ्चार

Feature News

शुभकामना साकोसको १७औं स्थापनादिवस सम्पन्न



काठमाडौं, २८ जेठ  ।भक्तपुरको नासमनामा रहेको शुभकामना साकोसले स्थापनाको १७औ वार्षिकोत्सव साताव्यापी कार्यक्रमका साथ सम्पन्न गरेको छ । राष्ट्रिय सहकारी बैकका सञ्चालक सरिता भट्टराईको प्रमुखआतिथ्यमा सम्पन्नउद्घाटन कार्यक्रममा २० जनानयाँ सदस्यहरुलाई टिका तथा खादा ओढाई संस्थाका अध्यक्ष हुन्छे कुमार त्वायनाले स्वागत गरेकाथिए । संस्थाका हाल सम्मको गतिविधि, सेवा सुविधा र बिशेषताका सम्बन्धमा प्रबन्धक राधेश्याम दुवालले जानकारी दिएका थिए । प्रमुख अतिथि भट्टराईले सहकारीले गर्दा नै आज वित्तीय कारोवारमा जनताको पहुँच सजिलोसँग पुगेको बताईन् । उनले राष्ट्रिय सहकारी बैक स्थापना कालमा शुभकामना साकोसले खेलेको भुमिको प्रशंसा गर्दै ठीमी शाखा खोल्न यस सहकारीको महत्वपूर्ण भुमिका रहेको बताइन् ।
साताव्यापी कार्यक्रमको न्यूनआय भएका सन्ततिप्रा.वि.का १२५ जना विद्यार्थीहरुलाई स्कूल व्यागबितरण गरिएको थियो । त्यसैगरी संस्थाले तिलगंगा आँखा अस्पतालको प्रविधिक सहयोगमा नासमना, भक्तपुरमा निशुल्क आँखा शिविर संचालन गरेको थियो । संस्थाका सदस्यएवं गैरसदस्य गरी २२८ जनाको आँखा परिक्षण गरिएकोमा १७जना मोतिविन्दुको शल्यक्रिया गर्नुपने भएकाले तिलगंगा आँखा अस्पतालमा निशुल्क अपरेसन समेत गरिने भएको छ ।
भक्तपुर हार्ट एण्ड डाइवेटिक सेन्टर र नेपाल रेडक्रस सोसाइटी भक्तपुरको प्रविधिक सहयोगमा निःशुल्क हर्ट एण्ड डाइवेटिक परिक्षण तथा रक्तदानकार्यक्रम संस्थाको सेवा केन्द्रमा सम्पन्न गरेको छ । उक्तशिविरमा७३ जनाले निःशुल्क हर्ट एण्ड डाइवेटिक परिक्षण गरिएका थिए भने २२ जनाले रक्तदान गरेका थिए । त्यस्तै जेष्ठ सदस्य जीवन उपयोगी प्रवचन थियो । कार्यक्रममा संस्थाको ७० वर्ष भन्दा माथिका ४३ जना जेष्ठ सदस्यहरुलाई सम्मानएवं भोजन गराइएको थियो ।
सप्ताहव्यापी कार्यक्रमको अन्तिम दिन दिगो विकास लक्ष प्राप्तिको लागि सहकारी विषयक छलफल कार्यक्रम गरेको जानकारी अध्यक्षत्वायनाले दिए । कार्यक्रममा राष्ट्रिय सहकारी बैकका संचालक सरिता भट्टराईबाट दिगो विकास लक्ष प्राप्तिको लागि सहकारी विषयककार्यपत्र प्रस्तुतगर्दै सहकारीको क्षेत्रहरु सीमित रहन नहुने र सदस्यहरुको भावना र राष्ट्र विकासमा टेवापुग्न सक्ने खालका नयाँनयाँ योजनाहरु ल्याउनु पर्ने बताईन् । सदस्यहरुसँग रहेका सीमितश्रोत साधनको उपयोगिता र दिर्घकालिन असर सम्बन्धमा जानकारी दिने कार्यक्रमहरुको खाँचो रहेको तर्फ उनले ध्यानाकर्षण गराएकी थिइन् । सो कार्यक्रममा संस्थाकाउपाध्यक्ष राम प्रसादकासुला, सचिवनिमर्ला सुवाल, कोषाध्यक्ष नारायण बहादुर बासुकला र संचालक गायत्री मैया कोजूको नेतृत्वमा समुहगत छलफल गरीएको थियो । कार्यक्रममा सल्लाकार अमर रत्न बज्राचार्यले टिप्पणीकारको भुमिका निभाएका थिए भने कार्यक्रम संस्थाका प्रमुख सल्लाहकार बाल मुकुन्द सुवालले सञ्चालन गरेका थिए ।

२०५७ साल जेष्ठ २४ गते डिभिजन सहकारी कार्यालय भक्तपुरमा विधिवत् दर्ता भएको शुभकामना साकोसले जिल्लामा मात्रनभई मुलुकमा नै फरक पहिचानबनाउन सफलभएको छ । संस्थाले बाल, युवा, महिला र वृद्धवृद्धाको आवश्यकताका आधारमा विभिन्न कार्यक्रम बनाएर लागु गर्र्दै आएको छ । समुदाय र सदस्यप्रति समर्पित उक्त संस्था नेप्mस्कूनको प्राबिधिक सहयोगमा संचालित एक्सेस ब्राण्डिङ्ग कार्यक्रममा समेत सहभागीभई काठमाण्डौ उपत्यकामा नै पहिलो पटक एशियाली गुणस्तर एक्सेस सिल्वर ब्राण्ड २०१६ प्राप्त गरिसकेको छ ।

प्रकाशित : २८ जेष्ठ २०७४, आईतवार ०७:२६