राष्ट्रिय बाणिज्य बैंकले थाल्यो सीआस्बा « अर्थबजार – आर्थिक विकासको लागि सञ्चार

Feature News

राष्ट्रिय बाणिज्य बैंकले थाल्यो सीआस्बा



काठमाडौं  २३ साउन ।प्राथमिक शेयर  निष्काशन हुँदा ६८ जिल्लाबाट अनलाइन आवेदन दिन सकिने भएको छ। राष्ट्रिय बाणिज्य बैंकले सीआस्बा सफ्टवेयर मार्फत त्यती जिल्लामा अनलाइन शेयर भर्न मिल्ने सुविधा पुर्याएको हो।
यो सेवा सुरु गर्नेबारे केन्द्रीय निक्षेप प्रणाली (सिडीएससी)सँग सम्झौता गरि सकेको छ। इन्टरनेट पहुँच भएका ६८ जिल्लाका ग्राहकले अब प्राथमिक निष्काशनमा अनलाइन आवेदन दिन सक्ने बैंकका प्रवन्धक इश्वरी न्यौपानेले जानकारी दिए।
राष्ट्रिय बाणिज्य बैंक सहित घरैबाट प्राथमिक शेयर भर्न सकिने सुबिधा आठ बैंक तथा वित्तिय संस्थाले दिएका छन्। तिनमा नबिल बैंक, ग्लोबल आइएमई बैंक, सिदार्थ बैंक, नेपाल इन्भेस्टमेन्ट बैंक, प्रभु बैंक, एनएमबि बैंक, गुडविल फाइनान्स र युनाइटेड फाइनान्स छन्। यी संस्थामा खाता हुने लगानीकर्ताले एक पटक बैंक गएर ‘पिनकोड’ लिनु पर्ने हुन्छ। त्यसपछि घरबाटै शेयर हाल्न सकिनेछ।
बैंक अफ काठमाडौँ, नेपाल बैंक, कृषि बिकास बैंक, माछापुच्छ्रे बैंक पनि यो सेवा सुरु गर्ने तयारिमा छन्।
नेपाल धितोपत्र बोर्डले प्राथमिक निष्काशनमा आस्बा अनिवार्य गरि सकेको छ। आउँदो साउन २७ गते निष्काशन हुने नेपाल हाइड्रो डेभलोपर कम्पनीको शेयरमा लगानीकर्ताले काजगी फारामबाट आवेदन दिन पाउँदैनन्। इच्छुकले सीआस्बा र अन्य लगानीकर्ताले आस्बा सेवा प्रदायक बैंक तथा वित्तिय संस्थाबाट आवेदन दिनु पर्ने हुन्छ।

प्रकाशित : २३ श्रावण २०७४, सोमबार ०७:२५