फरवार्ड कम्युनिटी माइक्रोफाइनान्सकाे मुनाफा १०प्रतिशतले वृद्धि

काठमाडौ। केही समय अघि साधारण सेयर निष्काशन गरेको फरवार्ड कम्युनिटी माइक्रोफाइनान्स वित्तीय संस्था लिमिटेडलेले चालु आर्थिक वर्षको पहिलो त्रैमासमा  मुनाफा ६ करोड ७८ लाख रुपैयाँ कमाएको छ, जुन गत वर्षको तुलनाभन्दा १० दशमलव २४ प्रतिशतले वृद्धि हो । जबकी अघिल्लो वर्षको सोहि अवधिमा मुनाफा ६ करोड १५ लाख रुपैयाँ कमाएको थियो ।२० करोड रुपैयाँ चुक्ता पूँजी भएको संस्थाले जगेडाकोषमा ६६ करोड ७६ लाख रुपैयाँ राखेको छ । निक्षेपमा ४२ दशमलव १८ प्रतिशतले वृद्धि गरी २ अर्ब ८३ करोड ८३ लाख रुपैयाँ संकलन गरेको छ । जसले कर्जामा ६ अर्ब २९ करोड ९४ लाख रुपैयाँ लगानी गरेको छ ।

फरवार्ड कम्युनिटी माइक्रोफाइनान्सको खुद व्याज आम्दानी ५ प्रतिशतले बढेर १५ करोड ६० लाख रुपैयाँ पुगेको छ भने संचालन मुनाफा १० प्रतिशतले बढेर १० करोड ६५ लाख रुपैयाँ पुगेको छ । यसले प्रोभिजनमा ६९ लाख रुपैयाँ राखेको छ ।फरवार्ड कम्युनिटी माइक्रोफाइनान्सको निष्कृय कर्जा शुन्य दशमलव ४९ प्रतिशत रहेको छ भने १३ दशमलव ८८ प्रतिशत जोखिम युत्त सम्पत्ति रहेको छ ।फरवार्ड कम्युनिटी माइक्रोफाइनान्सको प्रतिशेयर आम्दानी ३३ दशमलव ९२ रुपैयाँ, प्रतिशेयर नेटवर्थ ४३३ दशमलव ८१ र तरलता अनुपात १६ दशमलव ४९ प्रतिशत रहेको छ ।