मकवानपूरमा ज्योति विकास बैंकका दुई शाखा विस्तार

काठमाडौं। ज्योति विकास बैंकले मकवानपुरको हेटौडा बजारमा नयाँ शाखा सञ्चालनमा ल्याएको छ । उक्त शाखाको मंगलबार नेपाल राष्ट्र बैंक, बीरगन्जका प्रमुख निर्देशक रबिन्द्र महर्जनले उद्घाटन गरेका थिए । सोमबार बैंकले मकवानपुर जिल्लाको ग्रामिणभेग बागमती गाउँपालिकाको फापरबारीमा नँया शाखा संचालनमा ल्याएको थियो ।

शाखा उद्घाटन समारोहको अध्यक्षता ग्रहण गरेका बैंक संचालक समतिका अध्यक्ष हरिचन्द्र खड्काले गरेका थिए । कार्यक्रममा विकास बैंकका नायव प्रमुख कार्यकारी अधिकृत मनोज कुमार ज्ञवालीले बैंकको वित्तीय अवस्था, बैंकले प्रदान गर्ने सेवा सुविधा लगायत विविध विषयमा जानकारी गराए । उक्त शाखाले स्थानीय स्तरमा कृषि उत्पादन, पशुपालन, फलफूल खेती, उद्योग, व्यापार व्यवसाय समेतमा केन्द्रित गरी लघुवित्त कार्यक्रम समेत संचालन गरी बैंकिङ्ग सुविधा उपलव्ध गराउने छ ।

हाल विकास बैंकले ४६ वटा शाखा कार्यालय तथा १४ वटा एटिएम मार्फत विभिन्न निक्षेप योजना तथा कर्जा सुविधा सहित एविविएस, आश्वा लगायतका सम्पुर्ण आधुनिक बैकिंङ्ग सेवाहरु ग्राहकहरुलाई उपलव्ध गर्दै आएको छ ।