रिलायन्स फाइनान्सको ४५ प्रतिशत हकप्रद शेयर बिक्री खुला

काठमाडौं। रिलायन्स फाइनान्स लिमिटेडको ४५ प्रतिशत अर्थात् १०ः४.५ अनुपातमा हकप्रद शेयर आजबाट निष्काशन भएको छ ।फाइनान्सले १०० रुपैयाँ अंकित दरमा २३ लाख ६ हजार ५७१.६० कित्ता हकप्रद शेयर निष्काशन गर्न लागेको हो । यो हकप्रद शेयर पुस २७ गतेसम्म भर्न पाइनेछ ।उक्त हकप्रद शेयर निष्काशन तथा बिक्री प्रबन्धक सनराइज क्यापिटल रहेको छ ।लगानीकर्ताले सनराइज क्यापिटल लिमिटेड, कमलपोखरी काठमाडौंबाट हकप्रद भर्न सक्नेछन् । त्यसैगरी, रिलायन्स फाइनान्सको उपत्यका भित्रका प्रदर्शनीमार्ग र न्यूरोड शाखा तथा उपत्यका बाहिरका अधिकांश शाखाबाट पनि आवेदन दिन सकिनेछ ।