काठमाडौं। सिद्धार्थ इन्स्योरेन्स लिमिटेडले हकप्रद शेयर निष्कासनको अनुमतिका लागि धितोपत्र बोर्डमा आवेदन दिएको छ । सिद्धार्थले १० बराबर ३.५ को अनुपातमा हकप्रद शेयर निष्कासन गर्न लागेको हो ।
इन्स्योरेन्सले १०० रुपैयाँ अंकित मूल्यमा २२ करोड ४४ लाख ९७ हजार ३५० रुपैयाँको २२ लाख ४४ हजार ९७३.५० कित्ता शेयर निष्कासन गर्ने भएको हो । सिद्धार्थको शेयर निष्कासन तथा बिक्री प्रबन्धकमा एनएमबि क्यापिटल लिमिटेड रहेको छ ।५३ करोड ४५ लाख १७ हजार ५०० रुपैयाँ चुक्ता पूँजी रहेको इन्स्योरेन्सको गत आवको मुनाफाबाट २० प्रतिशत बोनस वितरण पश्चात चुक्ता पूँजी ६४ करोड १४ लाख २१ हजार रुपैंया पुगेको छ । उक्त पूँजीको ३५ प्रतिशत हकप्रद निष्काशन पश्चात कम्पनीको चुक्ता पूँजी ८६ करोड ५९ लाख १८ हजार रुपैंया पुग्नेछ ।
Comment