साढे ५५ करोडको हकप्रद शेयर निष्काशन गर्दे माछापुच्छ्रे बैंक

माछापुच्छ्रे बैंकले लिमिटेडले ५५ करोड ५२ लाख ५० हजार रुपैयाँ बराबरको हकप्रद शेयर निष्काशन गर्न लागेको छ । बैंकले प्रति शेयर एक सय रुपैयाँ अंिकंत ५५ लाख ५२ हजार ५ सय ९३ कित्ता हकप्रद शेयर निष्कासन गर्न लागेको हो ।

बैंकले आगामी असोज १७ गते देखि ५ बराबर १ अर्थात (५ः१) कित्ता शेयरको अनुपातमा हकप्रद शेयर निष्काशन गर्न लागेको हो । बैंकको गत मंसिरमा सम्पन्न साधारणसभाले पारित गरे बमोजिम ५ बराबर १ अनुपातको हकप्रद जारी गर्न लागेको हो । लगानीकर्ताले पाँच सेयर बराबर एक सेयरका दरले हकप्रद पाउने छन् ।

हाल २ अर्व ७७ करोड ६२ लाख रुपैयाँ चुक्तापूँजी रहेको बैंकको हकप्रद शेयर बाँडफाँड पछि चुक्तापूँजी ३ अर्व ३३ करोड १५ लाख पुग्नेछ । हकप्रदका लागि यस अघि नै बुक क्लोज भइसकेको छ । साउन ३१ गतेसम्म सेयर किनिसकेका लगानी कर्ताले मात्रै हकप्रद भर्न पाउँछन् ।

बैंकको हकप्रद शेयर खरीदका लागि नविल इन्भेष्टमेण्ट बैकिंङ लिमिटेड नक्साल काठमाडौँ र माछापुच्छ्रे बैंकका विभिन्न शाखाहरुमा दरखास्त दिन सक्नेछन् । असोज १७ गते देखि खुल्ला हुने हकप्रद शेयर कार्तिक २२ गते बन्द हुनेछ ।