सम्पत्ति विवरण सार्वजनिक गर्दै पूर्व कानूनमन्त्री तामाङले भने, ‘अब कि भ्रष्टाचारी सिद्धिन्छन्, कि म सिद्धिन्छु’



काठमाडाै । कानूनमन्त्रीबाट राजीनामा दिएका शेरबहादुर तामाङ्ले सम्पत्ति विवरण सार्वजनिक गरेका छन् ।

‘म जम्मा १३० दिन मन्त्री भएँ’, तामाङ्ले सोमबार राजधानीमा पत्रकार सम्मेलन गर्दै भने, ‘मन्त्री पद सम्हादा र अहिले सम्पत्ति विवरणमा खासै फरक छैन् ।’

उनले आफूले तलबभत्ताबाट आएको रकमबाट केही ऋण तिरेको र अन्य खर्च भएकाले जम्मा हुन नपाएको दावी गरेका छन् ।

पूर्वमन्त्री तामाङले आफ्नो बैंकमा ४३ हजार ९ सय ६७ रुपयाँ १२ पैसा रहेको र श्रीमती उषाकला राईको नाममा एउटा बैंकमा १ लाख ६६ हजार र अर्को बैंकमा १ लाख २२ हजार रहेको जानकारी दिए ।

यसअघि मन्त्री हुँदा तामाङले १५ लाख बराबरको शेयर तथा कृषि विकास बैंकसँग ४० लाख र अन्य बैंकसँग ३० लाख ऋण भएको सार्वजनिक गरेका थिए । त्यो यथावत रहेको उनले जानकारी दिए ।

सिन्धुपाञ्चोकबाट प्रतिनिधिसभामा निर्वाचित तामाङले आफूसँग सिन्धुपाल्चोक, सिन्धुकोटमा पाखोबारी र खेत, श्रीमती राईको नाममा मोरङमा ७ कित्ता जग्गा र खोटाङमा पनि केही जग्गा भएको जानकारी दिए ।

राई प्रदेशसभा सदस्य हुन् । राईको नामा कार र तामाङ्को नाममा मोटरसाइकल तथा दुई/दुई थान ल्यापटप र मोबाइल छन् । उनीहरुसँग ३० तोला सुनसमेत रहेको सम्पति विवरणमा उल्लेख छ । तामाङले आफू भ्रष्टाचार नियन्त्रणको पक्षमा रहेकाले आफूले शुरु गरेको अभियानमा साथ दिन सबैलाई आग्रह गरेका छन् । उनले आफू कानूनमन्त्री रहेका बेला थालनी गरेका भ्रष्टाचार नियन्त्रणका अभियानलाई बाहिर रहेर भए पनि अगाडि बढाउने र भ्रष्टाचारीलाई नागरिकसामु अगाडि ल्याउने बताए ।

उनले देश विकासको प्रमुख वाधकको रुपमा संगठित भ्रष्टाचार रहेको जानकारी गराउँदै भने, ‘अब कि भ्रष्टाचारी सिद्धिन्छन्, कि म नै सिद्धिन्छु ।’ आफू कानूनमन्त्रीको जिम्मेवारीमा रहेका बेला पनि सार्वजनिक व्यक्तित्वहरुबाट हुने गरेका संगठित भ्रष्टाचारकाविरुद्ध पटक–पटक आवाज उठाउँदै आएको र यस विषयमा अहिले पनि आफू सचेत रहेको बताएका छन् ।

 

 

प्रतिक्रिया दिनुहोस
पछिल्लो २४ घण्टामा ३३ सय ६५ जनामा कोरोना भाइरस संक्रमण पुष्टि

काठमाडौँ । नेपालमा पछिल्लो २४ घण्टामा ३३ सय ६५ जनामा कोरोना भाइरस संक्रमण

निर्माण व्यवसायी सिंहसहित पाँच जनाविरुद्ध विशेष अदालतमा मुद्दा दायर

निर्माण व्यवसायी महासंघका अध्यक्ष रबी सिंहसहित पाँच जनाविरूद्ध भ्रष्टाचार मुद्दा दायर भएको छ

कोरोना संक्रमितको संख्यामा निरन्तर बृद्धि

काठमाडाैंं । नेपालमा पछिल्लो २४ घण्टामा थप ३ हजार ८ सय ९९ जनामा

उपत्यकामा निषेधाज्ञा १० दिन थप, यी कार्य गर्न लाग्यो बन्देज

काठमाडौं उपत्यकामा निषेधाज्ञा १० दिन थप गरिएको छ । मंगलबार काठमाडौं, ललितपुर र

प्रकाशित मिति २०७८ असार १ देखि