चेम्बर अफ कमर्सले भन्यो : कोरोनाको असर हेरी चरणवद्ध आर्थिक प्याकेज ल्याइयोस



काठमाडौं । आगामी आर्थिक वर्षको बजेट पुर्ण रुपमा आर्थिक पुनरुत्थानमा केन्द्रित हुनु पर्नेमा निजी क्षेत्रले जोड दिएको छ ।

नेपाल चेम्बर अफ कमर्सले आर्थिक वर्ष २०७७/७८ को राजश्व नीति तथा कार्यक्रम, आर्थिक विधेयक र बजेट तर्जुमाको लागि सुझाव प्रस्तुत गर्दै उक्त आग्रह गरेको हो ।

चेम्बर उपाध्यक्ष कमलेश कुमार अग्रवालले चेम्वरका तर्फबाट राजश्व सचिवलाई सुझाव हस्तान्तरण गरेका हुन । कोरोनाको असर हेरी चरणवद्ध रुपमा आर्थिक प्याकेज ल्याईनु पर्ने माग चेम्बरको छ ।

प्याकेजको आकार कूल गार्हस्थ्य उत्पादनको ५ प्रतिशत भन्दा कम हुन नहुने एवं आर्थिक प्याकेजमा उल्लेखित सबै प्रकारका सुविधाहरु एकद्धार प्रणाली मार्फत प्राप्त गर्न सक्ने व्यस्थाका लागि चेम्बरले सुझाएको छ ।

बजेट मार्फत नेपाललाई आत्मनिर्भर बनाउन योजनाबद्ध कार्यक्रम ल्याउन चेम्बरले आग्रह गरेको छ ।

निर्यात ब्यापारलाई मुल्य अभिवृद्धिका आधारमा निर्यात अनुदान दिने व्यवस्थाका लागि पनि चेम्बरले सरकारको ध्यानाकर्षण गरेको छ ।

३० प्रतिशत सम्मको मूल्य अभिबृद्धिमा ५ प्रतिशत, ७० प्रतिशत सम्मकोमा १० प्रतिशत र सो भन्दा माथीको मूल्य अभिबृद्धिमा १५ प्रतिशत नगद अनुदान दिने व्यवस्था गर्नुपर्ने लगायतका सुझाब चेम्बरले प्रस्तुत गरेको छ ।

प्रतिक्रिया दिनुहोस
पूर्वअर्थमन्त्रीहरुको टिप्पणी : बजेट परम्परागत, धेरै प्रचारात्मक र आश्वासनमा सिमित

काठमाडौं । सरकारले ल्याएको आगामी आर्थिक वर्ष २०७७/७८ को बजेट असामान्य परिस्थितिमा परम्परागत

आर्थिक वर्षको बजेट: यी हुन छुट र अनुदान पाइने क्षेत्र

काठमाडौं । सरकारले नयाँ व्यवसाय शुरु गर्ने व्यवसायीहरूलाई २ प्रतिशत ब्याजदरमा ऋण उपलब्ध

कोरोना नियन्त्रणका लागि छ अर्ब बजेट, पूर्वाधारका लागि रु १२ अर्ब ४६ करोड विनियोजन

काठमाडौ‌ं । सरकारले कोभिड– १९ को रोकथाम र नियन्त्रणका लागि रु छ अर्ब

१४ खर्ब ७४ अर्ब ६४ करोड रुपैयाँको बजेट सार्वजनिक, स्वास्थ्य क्षेत्र प्राथमिकतामा

काठमाडौं । सरकारले आगामी आर्थिक वर्ष २०७७/०७८ का लागि १४ खर्ब ७४ अर्ब