स्वीस बैंकमा प्रधानमन्त्री ओलीको ५५ लाख डलर, बर्षेनी थपिन्छ पाँच लाख



काठमाडौं । प्रधानमन्त्री केपी शर्मा ओलीको स्विट्जरल्यान्डस्थित स्वीस बैंक खातामा करोडौं रकम जम्मा रहेको एक अध्ययन प्रतिवेदनमा उल्लेख गरिएको छ ।

ग्लोबल वाच एनलाइसिसले हालै सार्वजनिक गरेको प्रतिवेदनमा प्रधानमन्त्री ओलीलाई सो रकम चीनले दिएको उल्लेख गरिएको छ ।

चीनले बेलाबखत रकम दिन थालेकोले प्रधानमन्त्रीको सम्पति बढ्दै गएको पनि प्रतिवेदनमा भनिएको छ । सो प्रतिवेदन रोनाल्ड ज्याकार्डले तयार पारेका हुन ।

ओलीको बैंक खाता मिराबाउड बैंकको जेनेभास्थित शाखामा रहेको छ । बोउले भार्ड जर्जेज फेभवस्थित भवनमा सो बैंक रहेको छ ।

प्रतिवेदक ज्याक्वार्डले ओलीको खातामा ५५ लाख अमेरिकी डलर लामो समयदेखि जम्मा रहेको छ । ओली र उनकी पत्नी राधिका शाक्यलाई ५ लाख अमेरिकी डलर बर्सेनी आउने गरेको छ ।

पहिलो पटक ओलीले प्रधानमन्त्रीको पद सम्हालेका बेला तत्कालीन नेपालका लागि चिनियाँ राजदूत उ चुन्ताइले ओलीलाई कम्बोडियाको टेलिकम्युनिकेशन क्षेत्रमा लगानी लगाउन सघाएका थिए ।

यो सम्झौतामा ओलीका निकटका व्यापारी आङ छिरिङ शेर्पा सहभागी रहेको जनाइएको छ ।

कम्बोडियाका प्रधानमन्त्री हुन सेन र चिनियाँ राजदूत बो जिआङेओको सहयोगमा ओलीको लगानी कम्बोडियामा सुरक्षित हुन पुगेको उल्लेख छ ।

यस्तो गतिविधि ओलीले दोस्रो पटक प्रधानमन्त्रीको पद सम्हालेयता निरन्तरता पाएको थियो । चिनियाँ नेताले ओलीलाई रकम दिएको जनाइएको छ ।

सो प्रतिवेदनमा चीनले नेपाल जस्ता देशका अरु नेताहरुलाई यसरी रकम दिएर भ्रष्ट बनाउन थालेको उल्लेख गरिएको छ ।

चिनियाँ नेताहरूसँग रकम लिएर प्रधानमन्त्री ओलीले चिनियाँ कम्पनीहरूलाई विभिन्न परियोजना दिएको उल्लेख छ।

डिसेम्बर २०१८मा डिजिटल एक्शन रुमको परियोजना चिनियाँ कम्पनी हुवावेइलाई बिना कुनै प्रतिस्पर्धा दिएका थिए ।

यो काम गर्न सक्षम नेपाल सरकारको स्वामित्वमा रहेको नेपाल टेलिकमलाई यो परियोजनाबाट अलग पारिएको भनिएको छ ।

प्रधानमन्त्री ओलीका राजनीतिक सल्लाहकार विष्णु रिमालका छोराका लागि यो सम्झौता गरिएको थियो ।

यसैगरी मे २०१९मा नेपाल टेलिकमले हङकङस्थित चाइना कम्युनिकेशन सर्भिससँग रेडियो नेटवर्क लगायतका सम्झौता गरियो ।

यो सम्झौता चीनको टेलिकम उपकरण बाउन कम्पनी जेडटीईसँग फोर जी सम्बन्धी सम्झौता भएको थियो ।

यो परियोजना १९ अर्ब नेपाली रुपैया बराबरको रहेको थियो । जुन महिनामा ओली सरकार विरूद्ध विद्यार्थीहरुको प्रदर्शन भएको थियो ।

१० अर्ब नेपाली रुपैया बराबर महामारी विरूद्ध गरिएको खर्चबारे स्पस्टीकरण दिन सो प्रदर्शनले माग गरेको थियो ।

ग्लोबल वाच एनालाइसिसले आफ्नो प्रतिवेदनमा स्वास्थ्यमन्त्री र ओलीका कोटरीका अन्य बरिष्ठ अधिकारीहरूले स्वास्थ्यसम्बन्धी उपकरण खरिद प्रकरणमा घुस खाएको आरोपको अनुसन्धान जारी रहेको समेत उल्लेख गरेको छ ।

प्रतिक्रिया दिनुहोस
नेपालमा सञ्चालित ८.७ प्रतिशत उद्योगले बचत तथा ऋण सहकारीबाट कर्जा लिन्छन्

काठमाडाै । नेपालमा सञ्चालित ७४.३ प्रतिशत उद्योग/ व्यवसायहरुले बैंक तथा वित्तीय संस्थाबाट र

परिसङ्घमा ऊर्जा विकास परिषद्को गठन

काठमाडौं। नेपाल उद्योग परिसङ्घले समग्र ऊर्जा क्षेत्रको विकास र विस्तारका लागि नीतिगत व्यवस्थामा

अर्थतन्त्र सामान्य हुन नौ महिना लाग्छ- राष्ट्र बैङ्कको सर्वेक्षण

काठमाडौंँ । कोरोना भाइरस सङ्क्रमणका कारण भएको बन्दाबन्दीमा उद्योग व्यवसाय सामान्य अवस्थामा फर्कन नौ

आयल निगमका दर्जन बढी कर्मचारीको सरुवा तथा पदस्थापन, को काँहा पुगे ?

काठमाडौं ।नेपाल आयल निगमले देशभरका प्रादेशिक, शाखा र केन्द्रीय कार्यालयका दर्जन बढी कर्मचारीको