अख्तियारका पूर्व आयुक्त दीप बस्न्यातलाई पूर्पक्षका लागि थुनामा राख्न आदेश



काठमाडौं । विशेष अदालतले अख्तियार दुरुपयोग अनुसन्धान आयोगका पूर्व प्रमुख दीप बस्न्यात बस्न्यातलाई पुर्पक्षका लागि थुनामा पठाउन आदेश दिएको छ ।

बालुवाटारको ललिता निवासको सरकारी जग्गा व्यक्तिको नाममा दर्ता गरेको अभियोगमा भ्रष्टाचार मुद्दामा परेका बस्न्यात आइतबार विशेष अदालतमा उपस्थित भएका थिए । अदालत उपस्थित भएका उनलाई विशेष अदालतका अध्यक्ष न्यायाधीश प्रेमराज कार्की, न्यायाधीशद्वय अब्दुल अजिज मुसलमान र नित्यानन्द पाण्डेयको इलजासले थुनामा पठाउन आदेश दिएको प्रवक्ता एवं उपरजिष्ट्रार पुष्पराज पाण्डेयले जानकारी दिए ।

पूर्वआयुक्त बस्न्यातले बालुवाटार स्थित सरकारी जग्गा व्यक्तिलाई बिक्री गर्ने कार्यमा आफ्नो संलग्नता नरहेको जिकिर गर्दै आइरहेका छन् । दीपविरुद्ध अख्तियारको पूर्वप्रमुखका रूपमा नभई त्यसअघि भौतिक योजना तथा निर्माण मन्त्रालयको सचिवका रूपमा रहँदा ललिता निवासको सार्वजनिक तथा राजकुलोको जग्गा नक्कली मोहीलाई वितरण गर्ने प्रस्ताव मन्त्रिपरिषद्मा लगेर भ्रष्टाचार गरेको आरोप लागेकाे छ ।

०७२ चैत १९ मा अख्तियारको आयुक्त नियुक्त भएका बस्न्यात ०७४ जेठ ८ मा प्रमुख आयुक्त बनेका थिए । उनले ०७४ माघ २८ मा अवकाश पाएका थिए । आफ्नै पूर्वप्रमुखविरुद्ध अख्तियारले मुद्दा चलाएको यो पहिलो घटना हो ।

ललिता निवास जग्गा प्रकरणमा बस्न्यातसँगै १७५ जना विरूद्ध विषेश अदालतमा मुद्दा दायर भएको छ ।

प्रतिक्रिया दिनुहोस
राष्ट्रपतिद्धारा फागुन २३ गतेका लागि संसद अधिवेशन आह्वान

काठमाडौं । राष्ट्रपति विद्यादेवी भण्डारीले फागुन २३ गतेका लागि संसद अधिवेशन आह्वान गरेकी

फागुन २३ गते संसद् बैठक बोलाउन सिफारिस

काठमाडौं । सरकारले फागुन २३ गते संसद् बैठक बोलाउन सिफारिस गरेको छ। शुक्रबार

कुमारी इक्विटी फन्ड आजदेखि खुल्यो

काठमाडौं । कुमारी क्यापिटल लिमिटेडले आज (फागुन १४ गते, शुक्रबार) देखि “कुमारी इक्विटी

ओलीको निर्णय सर्वाेच्चद्वारा बदर

काठमाडौ । सर्वोच्च अदालतले प्रधानमन्त्री केपी शर्मा ओलीको सिफारिसमा राष्ट्रपतिले गरेको प्रतिनिधि सभा विघटन