आफ्नै खर्चमा सदस्यको बीमा गराउँदै मिलिजुली कालिञ्चोक साकोस



दोलखा । भीमेश्वर नगरपालिका–६ चरिकोटमा रहेको मिलिजुली कालिञ्चोक बचत तथा ऋण सहकारी संस्थाले सबै सदस्यहरुको दुर्घटना बीमा गराउने भएको छ । संस्थामा आवद्ध २१ हजार ८ सय ५३ जना सदस्यको दुर्घटना बीमा संस्थाले गरिदिन लागेको हो । बीमाको लागि संस्थाले प्रभु इन्स्योरेन्स कम्पनीसँग सम्झौता गरेको छ ।

सदस्यहरुको दुर्घटना भई मृत्यु भएमा, स्थायी पुर्ण अशक्तता भएमा, हुलदंगा तथा आतंकबादी क्रियाकलापबाट मृत्यु वा पूर्ण अशक्त भएमा ५० हजार पाउने गरी दुर्घटना बीमा गरिएको संस्थाका प्रमुख कार्यकारी अधिकृत ईश्वर न्यौपानेले जानकारी दिए ।

बीमा वापत सदस्यले कुनै पनि रकम बुझाउनु नपर्ने न्यौपानेले बताए । ‘सबै सदस्यको बीमा गराउँदा लाग्ने खर्च संस्थाले नै तिरिदिने छ’, उनले भने । बीमा सम्झौतामा पत्रमा मिलिजुली कालिञ्चोकका अध्यक्ष नारायण बहादुर श्रेष्ठ र प्रभु इन्स्योरेन्सका चरिकोट शाखाका प्रमुख मानबहादुर बटालाले हस्ताक्षर गरेका छन् ।

सम्झौता कार्यक्रममा संस्थाको सञ्चालक तथा कर्मचारीहरुको उपस्थीती रहेको थियो । जिल्ला भर कार्यक्षेत्र रहेको संस्थाको कुल वासलत १ अर्ब २२ बरोड १० लाख ८२ हजार ७ सय ७ रुपैयाँ रहेको छ । संस्थाले ८५ करोड ८२ लाख १२ हजार ७ सय ८६ रुपैयाँ बचत संकलन गरी ९६ करोड ६६ लाख ६८ हजार ९ सय ७८ रुपैयाँ ऋण लगानी गरेको छ ।

प्रतिक्रिया दिनुहोस
सातै प्रदेशमा शाखा कार्यालय खोल्न राष्ट्रिय सहकारी बैंकलाई अनुमति

काठमाडाै । राष्ट्रिय सहकारी बैंक लिमिटेडले ७ वटै प्रदेशमा प्रदेश शाखा कार्यालय सञ्चालनका

एनआरएन इन्फ्रास्टक्चरको लाभांश पारित

काठमाडौं । एनआरएन इन्फ्रास्टक्चर एण्ड डेभलपमेन्ट कम्पनीको आठौं साधारणसभा सम्पन्न भएको छ ।

दोहोरो अंकले घट्यो सेयर बजार

काठमाडाै । नेपाल स्टक एक्सचेञ्ज (नेप्से) साताको अन्तिम दिन आज (बिहिबार) दोहोरो अंकले

आइपीओ जारी गर्ने तयारी गरेको सर्वोत्तम सिमेन्ट नेगेटिभ वाचलिष्टबाट हट्यो

काठमाडाै । प्राथमिक शेयर (आइपीओ) जारी गर्ने तयारी गरेको सर्वोत्तम सिमेन्टको रेटिङ भएको