दश जना नयाँ कोरोना संक्रमित भेटिए



मोरङ । मोरङमा कोरोना भाइरसका १० जना नयाँ संक्रमित भेटिएका छन् । दुई महिनासम्म संक्रमणविहीन बने पनि चैत ५ गतेयता भने नयाँ संक्रमित भेटिन थालेका हुन् ।

नयाँ भेटिएका संक्रमितमा छ जना विराटनगर महानगरपालिका, दुई जना सुन्दरहरैँचा र एक जना पथरीशनिश्चरे नगरपालिकाका रहेको जिल्ला स्वास्थ्य कार्यालय मोरङका प्रमुख डा. सुरेश मेहताले जानकारी दिए । उनका अनुसार चार दिनको अवधिमा १० जनामा संक्रमण पुष्टि भएको हो ।

विराटनगरमा संक्रमण पुष्टि भएकामा चार पुरुष र दुई महिला रहेको मेहताले बताए ।निक्कै लामो समयपछि प्रदेश १ मा चैत ५ गते आठ जनामा संक्रमण देखिएको थियो ।

जसमा तीन जना विराटनगरका थिए । चैत ६ गते विराटनगरमा एक जनामा संक्रमण देखिँदा प्रदेशमा छ जनालाई कोरोना पुष्टि भयो । चैत ८ गते विराटनगरका एकसहित प्रदेशका दुई जनाको पीसीआर परीक्षण रिपोर्ट पोजिटिभ आयो ।

मोरङसहित प्रदेशमा पुनः कोरोना भाइरसका संक्रमित भेटिन थालेपछि नयाँ भेरियन्टको आशंका गरिएको छ । कोरोना महामारी नियन्त्रणपछि सामान्य अवस्थामा फर्किए पनि पुनः नयाँ संक्रमित भेटिन थालेपछि प्रदेशमा त्रास बढेको छ । स्थानीय प्रशासनले कोरोना फैलन नदिन उच्च सावधानी अपनाउन सबैमा अनुरोध गरेको छ ।

केही दिनयता भारतमा कोरोना संक्रमण दर उच्च छ । प्रदेश १ मा नयाँ भेटिएका संक्रमितको ‘ट्राभल हिस्ट्री’ पनि भारतसँगै जोडिएको पाइएपछि नयाँ भेरियन्टको आशंका गरिएको हो । संक्रमण नियन्त्रणमा आएपछि विराटनगर महानगरपालिकाले पीसीआर परीक्षण र स्वाब संकलन केन्द्र बन्द गरेको थियो ।

मोरङका प्रमुख जिल्ला अधिकारी कोषहरि निरौलाले कोरोनाका नयाँ बिरामी भेटिन थालेपछि भारतको जोगवनी हुँदै नेपाल प्रवेश गर्ने विराटनगरको रानी नाकामा कडाई गरिएको बताए । भारतबाट नेपाल प्रवेश गर्नेमा कोरोना भए÷नभएको यकिन गर्न एण्टीजेन परीक्षण गर्न थालिएको जानकारी उनले दिए ।

नयाँ भेटिएका संक्रमितको ‘ट्राभल हिस्ट्री’ भारतसँगै जोडिएको छ । निरौलाका अनुसार नयाँ संक्रमण भारतमा दोस्रो फेजमा फैलिएको नयाँ भेरियन्टको भाइरस भएको हुनसक्ने आशंका गरिएको छ । तर नयाँ भेरियन्ट हो या हैन भन्ने यकिन गर्न परीक्षण गरेर यकिन गर्ने काम भने भएको छैन ।

नयाँ संक्रमितको ‘कन्ट्याकट ट्रेसिङ’ पनि पीसीआर कलेक्सन बन्द गरिसकेको महानगरले गर्न सकिरहेको छैन । विराटनगर महानगरपालिकाका स्वास्थ्य संयोजक रमेश कार्कीले अब तत्कालै संक्रमितको ‘कन्ट्याकक्ट ट्रेसिङ’ सुरु गरिने जानकारी दिए ।

कोरोना नियन्त्रणमा आएपछि सर्वसाधारण सामान्य दैनिकीमा फर्किए पनि ढुक्क हुनसक्ने अवस्था नरहेको बताउँदै कार्कीको संक्रमणबाट बच्च उच्च सावधानी आवश्यक रहेको जनाए ।पुर्वेलीन्यूजबाट साभार

 

 

प्रतिक्रिया दिनुहोस
काठमाडौं महानगरपालिकाले भन्यो खोप सकियो, अब अर्को सूचना पर्खनु

काठमाडौं । काठमाडौं महानगरपालिकामा कोरोना विरुद्धको खोप कार्यक्रम स्थगित भएको छ । मौज्दात

कुमारी इक्विटी फण्डको लाभांश घोषणा

काठमाडाैं । कुमारी इक्विटी फण्डको लाभांश घोषणा भएको छ । योजना ब्यबस्थापक कुमारी

पहिलो पटक सहकारीमा कियोस्क बैंकिङ सेवा

काठमाडाै । बचत तथा ऋण सहकारी संस्थाले कियोस्क बैंकिङ सुरु गर्ने भएको छ

ज्योति विकास बैंकले ल्यायाे “ज्योति स्मार्ट सेभिङ्ग्स”, लगानीकर्तालाई फाइदै फाइदा

काठमाडाैँ । ज्योति विकास बैंक लिमिटेडले सेयर बजारमा लगानी गर्न ईच्छुक नयाँ लगानीकर्ताहरुलाई

प्रकाशित मिति २०७८ असार १ देखि