राष्ट्र बैंकले बुधबार १० अर्ब रूपैयाँको ऋणपत्र निष्कासन गर्ने « Devoted for Economic Devlopment, आर्थिक विकासको लागि समर्पित

Feature News

राष्ट्र बैंकले बुधबार १० अर्ब रूपैयाँको ऋणपत्र निष्कासन गर्ने



Nepal-Rastra-Bank_Panorama1_20111122085657काठमाडौं । नेपाल राष्ट्र बैंकले बुधबार १० अर्ब रूपैयाँको राष्ट्र बैंक ऋणपत्र जारी गर्ने भएको छ ।  बोलकबोल माध्यमबाट निष्कासन गरिने यस ऋणपत्रको नाम नेपाल राष्ट्र बैंक ऋणपत्र २०७४ ग रहेको छ । यस ऋणपत्रको अवधि एक वर्षको हुनेछ । फाइनन्स कम्पनी, विकास बैंक र वाणिज्य बैंकले यो ऋणपत्र किन्न पाउनेछन् । ऋणपत्रलाई बैंक तथा वित्तीय संस्थामा धितोका रूपमा समेत प्रयोग गर्न सकिने राष्ट्र बैंकले जनाएको छ ।
ऋणपत्र किन्न चाहने वित्तीय संस्थाले असार २२ बुधबार दिउँसो ३ बजेभित्र अनलाइन बिडिङ सिस्टममार्फत बोलकबोल पेस गर्नुपर्नेछ । साँवा भुक्तानी २०७४ असार २२ गते हुनेछ । ब्याजदर अर्धवार्षिकरूपमा भुक्तानी हुने राष्ट्र बैंकले जानकारी दिएको छ । यो ऋणपत्र थोरैमा एक करोडको प्रस्ताव गर्नुपर्नेछ । राष्ट्र बैंकले ऋणपत्रमा गरिएको लगानीलाई अनिवार्य नगद मौज्दात (सीआरआर) मा गणना गर्ने सुविधा दिएको छैन । तर एसएलआर र तरलता अनुपातमा भने गणना गर्न पाइनेछ ।
यतिबेला बैंक तथा वित्तीय संस्थामा अधिक तरलता छ । लगानी अभाव भएकाले निक्षेपकर्तालाई दिइने ब्याजदरसमेत अत्यन्त न्यून विन्दुमा छ ।  राष्ट्र बैंकले जारी गर्ने ऋणपत्रमा बैंक तथा वित्तीय संस्थाको सहभागिता बढ्ने अनुमान छ ।

प्रकाशित : २० असार २०७३, सोमबार ०८:२१