काठमाडाैं । एनएमबि बैंकले एनएमबि सापटी २.० योजना सुरु गरेको छ । यो आर्टिफिसियल ईन्टेलिजेन्सद्वारा संचालित कर्जा सेवा रहेको र यस अन्तर्गत कर्जा प्रवाहको लागि आवेदन देखि सम्पूर्ण कर्जा प्रक्रिया कुनै पनि प्रकारको म्यानुअल हस्तक्षेप विना डिजिटल रूपमै गर्न सकिने बैंकले जनाएको छ ।
यो ‘नेपालमै पहिलो पटक’ २४ अै घण्टा र ७ अै दिन पूर्ण स्वचालित रुपमा प्रदान गरिने कर्जा एनएमबि सापटीको निरन्तरता रहेको बैंकले उल्लेख गरेको छ। यस सेवा बैंकसम्म नधाईकनै मोवाईलको प्रयोग बाट आवेदन दिएको ५ मिनेट भित्र नै कर्जा प्राप्त गर्न सकिने बैंकले जनाएको छ ।
बैंकका अनुसार यो व्यक्तिगत कर्जा उपयोग गरिरहेका ग्राहकहरुको व्यक्तिगत र आपतकालीन वित्तीय आवश्यकताहरुको परिपुर्तिको लागी प्रदान गरिने एक छोटो अवधिको धितो विनाको कर्जा हो । एनएमबिमा व्यक्तिगत कर्जा भएका ग्राहकहरुलाई २४ महिना सम्मको लचिलो अवधि सहित रु. २ लाख सम्म २४ अै घण्टा र ७ अै दिन कर्जा तुरुन्त उपलब्ध गराइने बैंकले जनाएको छ ।
बैंकका अनुसार ग्राहकले आफ्नो कर्जा चुक्ता अवधि, कर्जा चुक्ता गर्ने प्रकार, कर्जा रकम आफ्नो सहजताको आधारमा छनौट गर्न सक्नेछन् ।
Comment