काबेली ३ जलविद्युत आयोजनाको मुख्य लगानी कर्ता एनएमबि बैंक « Devoted for Economic Devlopment, आर्थिक विकासको लागि समर्पित

कर्पोरेट

काबेली ३ जलविद्युत आयोजनाको मुख्य लगानी कर्ता एनएमबि बैंक

प्रकाशित मितिः १ असार २०७९



काठमाडौं । एनएमबि बैंक लिमिटेडले २१.९३ मेगावाटको काबेली ३ जलविद्युत आयोजनाको मुख्य लगानीकर्ता भई वित्तीय व्यवस्थापन गरेको छ । प्रदेश १ अन्तर्गत ताप्लेजुङ्ग जिल्लामा रहेको सिरीजङ्घा गाउँपालिकामा निर्माण भईरहेको कावेली ३ जलविद्युत आयोजना काबेली हाइड्रो पावर कम्पनी प्रा. लि. द्घारा प्रवद्र्धन गरिएको जलविद्युत आयोजना हो ।

यस आयोजनामा एनएमबि बैंक लि. अगुवा बैंक रहेको छ भने सह—वित्तीय करणमा सहभागी अन्य बैंकमा सेञ्चुरी कमर्सियल बैंक लिमिटेड रहेको छ । २१.९३ मेगावाट क्षमता भएको सो आयोजनाको कुल अनुमानित लागत रु ४ अर्ब २८ करोड ५० लाख रहेको छ जस मध्ये बैकहरुको ऋण लगानी रु. ३ अर्ब २१ करोड ३० लाख रहनेछ । यो आयोजना समेत एनएमबि बैंक लि.ले कुल ४३ वटा जलविद्युत आयोजनाहरुमा लगानी गरिसकेको छ ।

नेपाल राष्ट्र बैंकले बैंक तथा वित्तीय संस्थालाई जारी गरेको ईन्भाईरोमेन्ट एण्ड सोसियल मिटिगेसन निर्देशिका अनुसार एनएमबि बैंक लि.ले ईन्भाईरोमेन्टल एण्ड सोसियल पोलिसी तयार पारी त्यस बमोजिम बैंकले पर्यावरण तथा सामाजिक व्यवस्थापन प्रणाली ईन्भाईरोमेन्टल एण्ड सोसियल म्यानेजमेन्ट सिस्ट्म लागु गरिसकेको छ ।

बैंकले पर्यावरण तथा सामाजिक व्यवस्थापन प्रणाली अन्तर्गत प्रचलित अन्तराष्ट्रिय अभ्यासलाई आत्मा सात गर्दै जलविद्युतका आयोजनामा लगानी गर्ने प्रतिवद्घता जाहेर गरेको छ ।

प्रकाशित : १० जेष्ठ २०७९, मंगलवार १८:४६