स्वावलम्बनका लगानीकर्ताको दुबै हातमा लड्डु



काठमाडाै २० पुस ।  स्वावलम्बन लघुवित्त विकास बैंक लिमिटेडको १५ औं वार्षिक साधारणसभाले सेयरधनीलाई ३४ प्रतिशत बोनस सेयर र १९.६८ प्रतिशत नगद लाभांश वितरणको प्रस्ताव पारित गरेको छ ।

बुधबार काठमाण्डौमा सम्पन्न वार्षिक साधारणसभाले यसअघि संचालक समितिले प्रस्ताव गरेको बोनस सेयर र नगद लाभांशको प्रस्ताव पारित गरेको हो ।

यो लघुवित्त बैंकले आर्थिक वर्ष २०७२/७३ मा ३२ करोड ३२ लाख ४० हजार खूद नाफा आर्जन गरेको थियो । यही वर्षको खूद नाफाबाट सेयरधनीलाई बोनस सेयर र नगद लाभांशको डबल अफर पारित भएको हो ।

साधारणसभाले वित्तीय संस्थाको हाल कायम अधिकृत पूँजी रु.५० करोडलाई बृद्धि गरी रु.१ अर्ब पुर्याउने विशेष प्रस्ताव पनि पारित गरेको छ  ।

यो संस्थाले चालु आ.व.को मंसिर मसान्तसम्म ४९ जिल्लाका १२३ कार्यालयबाट २ लाख ९ हजार ७ सय ४७ महिला सदस्यहरुलाई लघुवित्त सेवा प्रदान गर्दै आएको छ । सो अवधिमा बैंकको लगानीमा रहिरहेको कर्जा रकम रु.६ अर्व ९९ करोड ३ लाख ११ हजार पुगेको छ । बैंकको आन्तरिक पूँजी निर्माणमा सहयोग पुग्ने सदस्यको वचत यस अवधिसम्ममा रु.३ अर्व ४२ करोड ९८ लाख ५२ हजार रहेको छ ।

राष्ट्रिय स्तरको लघुवित्त विकास बैंकका रुपमा कारोवार गरिरहेको र वित्तीय पहुँच कम रहेका देशका विभिन्न हिमाली तथा पहाडी ग्रामीण क्षेत्रमा कार्यक्षेत्र विस्तारको योजना साथ अगाडि बढेको बैंकको अधिकृत पूँजी रु.५० करोड रुपैयाँ छ ।

साथै, यसै साधारण सभाले जारी तथा चुक्ता पूँजी रु.४१ करोड ८५ लाख ८९ हजार कायम गर्ने निर्णय समेत गरेको छ ।

प्रतिक्रिया दिनुहोस
पूर्व उद्योग मन्त्री नवीन्द्रराज जोशीको अवस्था गम्भीर

मष्तिस्कघात भएका कांग्रेसका युवा नेता नवीन्द्रराज जोशीको अवस्था गम्भीर रहेको छ । गम्भीर

नेपाल इन्भेष्टमेन्ट बैंकले मनायो ३५औं वार्षिकोत्सव

काठमाडौं । नेपाल इन्भेष्टमेन्ट बैंक लिमिटेड (एनआईबीएल)ले आज आफ्नो स्थापनाको ३५औं वार्षिकोत्सव मनाएको

राष्ट्र उत्थान लघुवित्तले बोलायो साधारणसभा, एफपिओ निष्कासन गर्ने

राष्ट्र उत्थान लघुवित्त वित्तीय संस्था लिमिटेडले दाेश्राे वार्षिक साधारण सभा आह्वान गरेकाे छ

पशुपतिनाथ मन्दिर परिसरमा डिजिटल दानपेटिका

बैंक अफ काठमाण्डू लिमिटेडले पशुपतिनाथ मन्दिर परिसरमा आज शुक्रबारबाट डिजिटल दानपेटिका सञ्चालनमा ल्याएको