लक्ष्मी बैंकले ३८ प्रतिशत बोनस सेयर दिने



काठमाडाै २८ पुस । लक्ष्मी बैंकले गत आर्थिक बर्षको मुनाफाबाट ३८ प्रतिशत बोनस सेयर वितरणको प्रस्ताव गरेको छ । बैंकको पुष २७ गते बसेको संचालक समितिको बैठकले यस्तो निर्णय गरेको हो । बैंकले हाल कायम चुक्ता पूँजीमा उक्त परिमाणको बोनस सेयर प्रस्ताव गरेको हो ।

बैंकले प्रस्ताव गरेको बोनस राष्ट्र बैंकको स्वीकृति पश्चात आगामी साधारणसभाबाट पारित भएपछि लगानीकर्तालाई वितरण गरिनेछ ।
प्रोफेसनल दियालो विकास बैंकलाई एक्वायर गर्ने प्रक्रियमा रहेको बैंकले त्यसपश्चात जारी गर्ने शतप्रतिशत हकप्रद समेतलाई समायोजन गर्दा बोनस १८.२९ प्रतिशत हुने स्पष्ट्र पारेको छ ।

बैंकले यसअघिनै प्रोफेसनल दियालो विकास बैंकलाई एक्वायर गर्ने प्रस्ताव पारित गरिसकेको छ । एक्वायर पश्चात कायम पुँजीको शतप्रतिशत हकप्रद जारी गर्ने प्रस्ताव पनि विशेष साधारणसभाबाट अनुमोदन गराईसकेको छ ।

विशेष साधारणसभाले प्रोफेशनल दियालो विकास बैंकको प्रति शेयर मूल्य लक्ष्मी बैंक लिमिटेडको प्रति शेयर मूल्यको ५० प्रतिशत रहने मूल्यांकन पारित गरेको थियो । जस अनुसार प्रोफेशनल दियालो विकास बैंकका सय कित्ता सेयर हुनेले लक्ष्मी बैंकको पचास कित्ता सेयर पाउनेछन् ।

हाल लक्ष्मी बैंकको चुक्ता पूँजी ३ अर्ब ३ करोड रुपैंयाँ रहेको छ । बैंकले २४ करोड चुक्ता पूँजी रहेको प्रोफेसनल दियालो विकास बैंकलाई एक्वायएर र त्यसपश्चात पश्चात कायम पूँजीबाट शतप्रतिशत हकप्रद जारी गरेपछिबैंकको पूँजी ६ अर्ब ३० करोड रुपैयाँको हाराहारीमा पुग्ने बताइएको छ ।

एक्वायर र शतप्रतिशत हकप्रदपछि कायम पूँजीमा १८.२९ प्रतिशत बोनस जोड्दा बैंकको पूँजी ७ अर्ब ४५ करोड रुपैयाँ पुग्नेछ ।

प्रतिक्रिया दिनुहोस
पूर्व उद्योग मन्त्री नवीन्द्रराज जोशीको अवस्था गम्भीर

मष्तिस्कघात भएका कांग्रेसका युवा नेता नवीन्द्रराज जोशीको अवस्था गम्भीर रहेको छ । गम्भीर

नेपाल इन्भेष्टमेन्ट बैंकले मनायो ३५औं वार्षिकोत्सव

काठमाडौं । नेपाल इन्भेष्टमेन्ट बैंक लिमिटेड (एनआईबीएल)ले आज आफ्नो स्थापनाको ३५औं वार्षिकोत्सव मनाएको

राष्ट्र उत्थान लघुवित्तले बोलायो साधारणसभा, एफपिओ निष्कासन गर्ने

राष्ट्र उत्थान लघुवित्त वित्तीय संस्था लिमिटेडले दाेश्राे वार्षिक साधारण सभा आह्वान गरेकाे छ

पशुपतिनाथ मन्दिर परिसरमा डिजिटल दानपेटिका

बैंक अफ काठमाण्डू लिमिटेडले पशुपतिनाथ मन्दिर परिसरमा आज शुक्रबारबाट डिजिटल दानपेटिका सञ्चालनमा ल्याएको