प्रभु बैंकको सेयर कारोबार खुल्ला « Devoted for Economic Devlopment, आर्थिक विकासको लागि समर्पित

Feature News

प्रभु बैंकको सेयर कारोबार खुल्ला



काठमाडौं २ माघ  ।  प्रभु बैंकको सेयर कारोबार आइतबारदेखि खुलेको छ । अब प्रभुका लगानीकर्ताले दोस्रो बजारबाट पनि किनबेच गर्न पाउने भएका छन् । प्रभु र ग्रान्ड बैंकबीच मर्ज भए पनि लामो समयसम्म सेयर कारोबार हुन नसक्दा लगानीकर्ता मारमा पर्दैआएका थिए । यसअघि मर्ज भइसकेको ग्रान्डलाई अलग्याएर प्रभुको मात्र कारोबार खुला गरिएको थियो ।
कानुनी प्रक्रिया उलंघन गरी प्रभुको मात्र कारोबार खुला गरिएपछि धितोपत्र बोर्डले कारोबार रोक्न निर्देशन दिएको थियो । बोर्डको निर्देशनपछि कारोबार स्थगित भएको थियो । अहिले मर्ज सम्पन्न भएको ग्रान्डको समेत किनबेच हुन सक्ने गरी फेरि सेयर कारोबार खुला भएको हो । ग्रान्ड बैंक वित्तीयरुपमा निकै धराशायी बनेपछि यसअघि यसको कारोबारमा समेत अन्योल उत्पन्न हुँदै आएको हो ।

प्रकाशित : २ माघ २०७३, आईतवार ०८:१२