अन्तरप्रेरणाको ‘फाइभ स्टार्टस्’ कार्यक्रम सार्वजनिक



काठमाडौ ५ माघ । नेपालमा उद्यमशीलता विकासको क्षेत्रमा काम गर्ने उद्देश्यले स्थापित कम्पनी अन्तरप्रेरणा प्रालिले ‘फाइभ स्टार्टस्’  कार्यक्रम सार्वजनिक गरेको छ । कम्पनीले भर्खर उदाउँदै गरेका व्यवसाय (स्टार्टअप) हरुलाई सघाउने उद्देश्यले ‘अग्रसरता र आत्मनिर्भरता’ नाराका साथ यो कार्यक्रम शुरु गरेको हो । कार्यक्रम हरेक सिजन निरन्तर ९० दिन (तीनमहिना) सम्म चल्नेछ । स्टार्टअपहरुको संचालन तथा व्यवस्थापन सुदृढीकरणका साथै व्यवसायिक विकासको उद्धेश्यप्रेरित ‘स्टार्टअपमुभमेन्ट’का रुपमा यो कार्यक्रमलाई अभियानकै रुपमा अघि बढाउने योजना रहेको अन्तरप्रेरणाका सीईओ निरज खनालले बताएका छन् । ‘यो कार्यक्रमले सहभागी कम्पनी, कलेज, विद्यार्थी र अन्तरप्रेरणासहित सबैपक्षलाई ‘विन–विन’को स्थिती सिर्जना गरेर अभm माथि आउन मद्दत पु¥याउनेछ’, उनले भने ।

२०७३ माघ २ गते,आइतबार लञ्चगरिएको ‘फाइभ स्टार्टस्’ अभियानको पहिलो सिजनमा विभिन्न पाँच कम्पनीका लागि पाँच कलेजहरुबाट ५÷५ जना गरी कुल २५ जना विद्यार्थीहरु छनोट गरेर सहभागि गराइएको छ । सहभागी पाँच कम्पनीहरुमा इटोन टेक्नोलोजी प्रालि, क्लिन फेसिलिटी मेनेजमेन्ट प्रालि, एडमार्क मिडिया प्रालि, बिटर स्वीट्स  प्रालि र अनलाइन औषधी प्रालि रहेका छन् । यस्तै, पा“च कलेजहरुमा किङ्स कलेज, एस इन्ष्टिच्यूट अफ मेनेजमेन्ट, ग्लोबल कलेज इन्टरनेशनल, नया“ आयाम मल्टि डिसिप्लिनरी इन्ष्टिच्यूट (नामी) र सीजी इन्टरनेशनल रहेका छन् । सबै कलेजका स्नातकोत्तर तहका विद्यार्थी कार्यक्रमका लागि छनोट भएका हुन् ।
‘फाइभ स्टार्टस्’का सहभागी ५ कम्पनीमध्ये इटोन आइटी कम्पनी हो, जसले शिक्षण संस्था संचालनसम्बन्धी सफ्टवेयर विकासमा काम गरिरहेको छ । क्लिन फेसिलिटी आधुनिक व्यवसायिक सरसफाइ तथा फेसिलिटी मेनेजमेन्ट सेवा प्रदायक हो । त्यस्तै, संचारसम्बन्धी विभिन्न कार्यहरु गर्दै आएको एडमार्क मिडियाले रियल इस्टेट, शहरीकरण तथा विकास पूर्वाधार विषयमा आधारित राष्ट्रिय मासिक पत्रिका ‘प्रोपर्टी’ र ‘प्रोपर्टी टुडे’ नामक अनलाइन प्रकाशन संचालन गर्दै आएको छ । बिटर स्विट्स उच्चस्तरीय चकलेट उत्पादन गर्ने उदाउँदो स्वदेशी कम्पनी हो । अनलाइन औषधीले इन्टरनेटको माध्यमबाट काठमाडौं उपत्यकाभर औषधी विक्री बितरण गर्ने ‘अनलाईन फार्मेसी’को नौलो अवधारणामा काम गर्दै आएको छ ।

छनोट भएका हरेक कलेजका पाँच जना विद्यार्थीलाई कार्यक्रममा सहभागी ५ वटा कम्पनीमा छुट्टाछुट्टै समूहगत रुपमा ‘टाइ–अप’ गराइएको छ । यसअन्तर्गत एउटा कलेजका ५ जना विद्यार्थीले एउटा कम्पनीका लागि कार्यक्रम अवधिभर (९० दिन) विभिन्न मोडेलमा सम्बन्धित कम्पनीको व्यवसायिक वृद्धिका लागिआवश्यकता अनुरुपको कार्य गर्नेछन् ।यसअन्तर्गत १३ हप्ताका लागि कम्पनीको ‘माइलस्टोन’ तय गरिने र हरेक १५ दिनमात्यसको ‘प्रोग्रेश म्यापिङ’ गरेर आवश्यकताअनुरुपको कार्ययोजना अवलम्बन गर्दै लगिनेछ । त्यस्तै, कार्यक्रम अवधिमा विभिन्न ८ प्रकारका प्राविधिक सीप वृद्धिका सेसनहरु संचालन गर्ने, सम्बन्धित विषयका प्रतिष्ठित विज्ञहरुबाट नियमित मेन्टोरशीप प्रदान गर्ने आदि जस्ता कार्यहरु गरिनेछ । यसले विद्यार्थीहरुलाई स्टार्टअपसँग सम्बन्धित व्यवहारिक र वास्तविकतामा आधारित सिकाईको अवसर प्रदान गरेर रोजगारी बजारका लागि दक्ष जनशक्तिका रुपमा तयार गर्नेछ ।

अन्तरप्रेरणा नेपालमा उद्यमशीलताको ‘इकोसिष्टम’ विकासको क्षेत्रमा ठोस उपब्धि देखिने गरी कार्य गर्ने उद्देश्यले एक वर्षअघि स्थापित कम्पनी हो । यसले स्टार्टअप हरुलाई वित्तीय, व्यवस्थापकीय, मेन्टोरशिप लगायत व्यवसायिक वृद्धिका लागि विभिन्न किसिमका सहायताहरु उपलब्ध गराउनेछ । एक दशकभित्र १०० नवउद्यमीलाई स्थापित गर्ने लक्ष्य यसले राखेको छ । हालसम्म ७ कम्पनी अन्तरप्रेरणासँग आवद्ध भइसकेका छन् भने केही कम्पनीहरु यसको पाइपलाइनमा छन् । ‘फाइभ स्टार्टस्’ कार्यक्रम लञ्चका दौरान बृहत ग्रुप तथा अन्तरप्रेरणाका अध्यक्षसमेत रहेका ओम राजभण्डारीले भने, ‘यो नेपालमा उद्यमी विकास गर्ने एउटा ऐतिहासिक अभियान हो । यसले उद्यमशिलताको इकोसिस्टमलाई परिवर्तन गर्नेछ ।’

प्रतिक्रिया दिनुहोस
पूर्व उद्योग मन्त्री नवीन्द्रराज जोशीको अवस्था गम्भीर

मष्तिस्कघात भएका कांग्रेसका युवा नेता नवीन्द्रराज जोशीको अवस्था गम्भीर रहेको छ । गम्भीर

फागुन २३ गते संसद् बैठक बोलाउन सिफारिस

काठमाडौं । सरकारले फागुन २३ गते संसद् बैठक बोलाउन सिफारिस गरेको छ। शुक्रबार

राष्ट्र उत्थान लघुवित्तले बोलायो साधारणसभा, एफपिओ निष्कासन गर्ने

राष्ट्र उत्थान लघुवित्त वित्तीय संस्था लिमिटेडले दाेश्राे वार्षिक साधारण सभा आह्वान गरेकाे छ

ओलीको निर्णय सर्वाेच्चद्वारा बदर

काठमाडौ । सर्वोच्च अदालतले प्रधानमन्त्री केपी शर्मा ओलीको सिफारिसमा राष्ट्रपतिले गरेको प्रतिनिधि सभा विघटन