विद्यार्थी नेताहरु भन्छन्– २८ बर्षे उमेरहद कायम गरेरै निर्वाचन सफल बनाउ



काठमाडौं  ९ माघ । आगामी फागुन १४ गतेका लागि निर्धारण गरिएको स्वतन्त्र विद्यार्थी युनियन (स्ववियू)को निर्बाचनमा उमेर हदबन्दी कायम गरेरै अघि बढ्नु पर्ने आज राजधानीमा आयोजित कार्यक्रका नेताहरुले बताएका छन् । डिबेटिङ क्लबले आइतबार आयोजना गरेको ‘आजको विद्यार्थी आन्दोलन र शैक्षिक रुपान्तरणका चुनौती’ विषयक विचार गोष्ठीमा बोल्दै विभिन्न संगठनका नेताहरुले त्रिभुवन विश्वविद्यालय सिनेटद्धारा घोषित २८ बर्षको उमेरहदलाई कायम गरेरै निर्बाचन सफल बनाउन आग्रह गरे ।

नेपाली कांग्रेसका केन्द्रीय सदस्य गुरुराज घिमिरेले अहिले मुलुकको राष्ट्रियता र सार्बभौमीकता खतरामा रहेको साथै लोकतान्त्रिक उपलब्धी गुम्ने अवस्थामा रहेको हुँदा यसको जगेर्ना गर्नुपर्ने बताए । उनले भने–‘अहिले विद्यार्थी राजनीतिमा पनि परिमार्जन आवश्यक रहेकाले समय सापेक्ष विद्यार्थीको नेता विद्यार्थी नै भन्ने अवधारणाका साथ उमेर हदबन्दी आवश्यक छ ।’ त्यस्तै अनेरास्ववियूका पूर्व अध्यक्ष खिमलाल भट्टराईले बलियो र सक्षम विद्यार्थी आन्दोलनका लागि उमेर हदबन्दी उचित रहेको बताए । तरुण दलका महामन्त्री भूपेन्द्रजंग शाहीले आफूले एकदशक अघि देखिनै विद्यार्थी राजनीतिमा उमेर हदबन्दी कायम गरिनुपर्ने धारणा राख्दै आएको स्मरण गरे । उनले भने–‘ उमेर नाघेका साथीहरुलाई हामी तरुण दलमा जिम्मेवारी दिन तयार छौं ।’ नेवि संघका महामन्त्री कुन्दनराज काफ्लेले विद्यार्थी राजनीतिको चुरोकुरो भनेको शैक्षिक उन्नयन र समाज रुपान्तरण रहेको बताए । उनले विधी र व्यवस्थामा सुधार गर्दै विद्यार्थी राजनीतिलाई परिमार्जित र परिस्कृत गर्दै अघि बढ्नुपर्ने औंल्याए ।

महामन्त्री काफ्लेले भने–‘त्रिवि सिनेटले गरेको निर्णयको स्वागत गर्दछु र निर्बाचनमा होमिन सबैमा आब्हन गर्दछु ।’ नेवि संघका उपसभापति डिल्लीराम सुवेदीले विद्यार्थी राजनीतिले आफ्नो सान्दर्भिकता पुष्टी गर्न निती, संगठन र नेतृत्व तीनवटै आयाममा रुपान्तरीत गर्नुपर्ने आवश्यक्त औंलाए । अखिल क्रान्तिकारीकी उपाध्यक्ष पञ्चा सिंहले परिवर्तित सन्दर्भमा विद्यार्थीको नेतृत्व विद्यार्थीमै रहनुपर्ने ध्येयका साथ आएको उमेर हदबन्दीको कुरा उचित रहेको बताइन् । कार्यक्रममा नेवि संघका केन्द्रीय सदस्य गीता गुरुङ, रत्नहरी ढुंगेल र त्रिवि नेवि संघका नेता शंकर पौडेलले आफ्नो धारणा राखेका थिए । कार्यक्रमका संयोजक तथा नेवि संघका केन्द्रीय सदस्य शैलेन्द्र शर्मा गौडेलले उमेर हदबन्दीको कुराले विद्यार्थी राजनीतिभित्र रहेको बिकृती र विसंगतीको अन्त्य गर्ने धारणा राखे । उनले बर्तमान विद्यार्थी पुस्ताको क्षमतामा विश्वास राख्न अनुरोध गरे । कार्यक्रमको सहजीकरण दिवाकर अर्यालले गरेका हुन् ।

प्रतिक्रिया दिनुहोस
पूर्व उद्योग मन्त्री नवीन्द्रराज जोशीको अवस्था गम्भीर

मष्तिस्कघात भएका कांग्रेसका युवा नेता नवीन्द्रराज जोशीको अवस्था गम्भीर रहेको छ । गम्भीर

फागुन २३ गते संसद् बैठक बोलाउन सिफारिस

काठमाडौं । सरकारले फागुन २३ गते संसद् बैठक बोलाउन सिफारिस गरेको छ। शुक्रबार

राष्ट्र उत्थान लघुवित्तले बोलायो साधारणसभा, एफपिओ निष्कासन गर्ने

राष्ट्र उत्थान लघुवित्त वित्तीय संस्था लिमिटेडले दाेश्राे वार्षिक साधारण सभा आह्वान गरेकाे छ

ओलीको निर्णय सर्वाेच्चद्वारा बदर

काठमाडौ । सर्वोच्च अदालतले प्रधानमन्त्री केपी शर्मा ओलीको सिफारिसमा राष्ट्रपतिले गरेको प्रतिनिधि सभा विघटन