एनसीसी बैंकले बचत खातामा नै ६.५ प्रतिशत ब्याज दिने

काठमाडौं १९ माघ। नेपाल क्रेडिट एण्ड कमर्स बैंक (एनसीसी) ले आफ्नो २० औं वार्षिकोत्सवको उपलक्ष्यमा एनसीसी उत्सव बचत खाता सञ्चालनमा ल्याएको छ । वार्षिक ६.५ प्रतिशत ब्याज दिने गरी ल्याएको यस बचत खातामा डेबिट कार्ड निःशुल्क प्रदान गरिनुका साथै बैंकको ९६ वटै शाखाहरुबाट निःशुल्क रुपमा अन्तर शाखा कारोबार पनि गर्न सकिने बैंकले बताएको छ ।

निक्षेपकर्ताहरुको लागी बैंकले रु. १० हजारसम्मको निःशुल्क औषधोपचार बीमा पनि गर्ने बताएको छ । बचत खातामा अझ पनि ब्याजदर बढ्न नसकेको भन्ने गुनासाहरु आइरहेको बेला बैंकले बचत खातामा नै उच्च ब्याजदर प्रदान गरेर बचत गर्न अभिपे्ररित गरेको हो ।  साथै, यस बैंकले १ सय २० दिनको मुद्दती खाता खोल्ने ग्राहकलाई वार्षिक १२ प्रतिशत ब्याज दिने गरी नयाँ मुद्दती खाता पनि ल्याई सकेको छ ।

गत पुस  १७ गतेदेखि चारवटा राष्ट्रिय स्तरका विकास बैंकहरु (इन्फ्रास्ट्रक्चर, एपेक्स, सुप्रिम र इन्टरनेशनल डेभलपमेण्ट बैंक) गाभेको बैंकले पूर्व मेचीदेखि पश्चिम महाकालीसम्मका ९६ वटा शाखा संजालबाट सेवा प्रदान गर्दै आइरहेको छ ।