रसियाली पाइपलाइन परियोजनाले ग्रिसलाई ऋण तिर्न सघाउने

विश्वका समाचार संस्थाहरूका प्रमुख कार्यकारी अधिकारीहरूसँगको बैठकमा उहाँले उक्त पाइपलाइनको सम्झौताका विषयमा बोल्नुभयो । उहाँले युरोपेली युनियनले ग्रिसलाई सहयोग गरेको आफूले नदेखेको बताउनुभयो ।

उहाँले युरोपेली युनियनले ग्रिसले ऋण तिरोस् भन्ने चाहेमा उसले ग्रिसको अर्थतन्त्र वृद्धि हुन र ऋण तिर्न सघाउन अभिरुचि देखाउनुपर्ने बताउनुभयो । उहाँले ग्रिसमा रोजगारी सिर्जना गर्नु खराब नभएको बताउनुभयो ।

ग्रिसले यस महिनाको अन्त्यसम्म ऋण तिर्न नयाँ ऋणका लागि अन्तर्राष्ट्रिय संस्थाहरूसँग समझौता गर्न कठिनाइ भोग्नुपरेको छ । जमानत प्राप्त नभएमा ग्रिस टाट उल्टनसक्छ वा ऊ १९ मुलुकयुक्त युरोक्षेत्रबाट बाहिरिनसक्छ ।

ग्रिसका प्रधानमन्त्री सिप्रासको रसियाली राष्ट्रपति पुटिनसँगको भेटमा उहाँले रसियासँग ऋण खोज्नुहुने अनुमान गरिएको थियो । वार्ता अगाडि रसियाली राष्ट्रपति पुटिनका प्रवक्ताले ग्रिसले मागेमा रसियाले ऋण दिने विषयमा विचार गर्नसक्ने बताएका थिए ।