Feature News

एयर इन्डिया विरुद्ध उजुरी



कोलकाता। काठमाडौंबाट कोलकाताको उडानका क्रममा एयर इन्डिया विमानमा यात्रुलाई दिइएको खानामा ‘झिंगा’ फेला परेको गुनासो एक यात्रुले गरेका छन् ।

ती यात्रुले शनिबार कोलकाता विमानस्थलस्थित एयर इन्डियाको कार्यालयमा यस्तो उजुरी गरेको बताइन्छ ।

उजुरीकर्ता यात्रीको परिचय खुलाइएको छैन । तर एयर इन्डियाले उजुरीका साथ खानाको नमूना उपलब्ध नगराइएको भन्दै ती यात्रुको गुनासो सत्यतामा आधारित नरहेको जनाएको छ ।

‘यस्ता गुनासाको अनुसन्धान तथा छानविन प्रक्रियाका लागि खानाको नमूना अनिवार्य पेश गर्नु पर्दछ,’ एयर इन्डियाले विज्ञप्तिमार्फत जनाएको छ । (एजेन्सी)

प्रकाशित : २१ असार २०७२, सोमबार ०७:२३