माउन्ट मकालुको ५० प्रतिशत हकप्रद शेयरकाे बिक्री  खुल्याे

काठमाडौं। माउन्ट मकालु डेभलपमेन्ट बैंक लिमिटेडको हकप्रद शेयर आजबाट बिक्री  खुल्ला भएको छ । बैंकले दुई बराबर एकको अनुपातमा अर्थात ५० प्रतिशत हकप्रद निष्काशन गर्न लागेको होे ।

बैंकले सय रुपैयाँ अकिंत मूल्यमा तीन लाख ४५ हजार ८०० कित्ता हकप्रद शेयर बिक्री खुल्ला गरेको हो । बैंकको हकप्रदमा कात्तिक १६ गतेसम्म कायम शेयरधनीले मंसिर ७ देखि पुस १२ गतेसम्म आवेदन दिन सक्नेछन् ।

हाल ६ करोड ९१ लाख ६० हजार रुपैयाँ चुक्तापूँजी रहेको माउन्ट मकालुको हकप्रद बिक्री पश्चाच पूँजी १० करोड ३७ लाख ४० हजार पुग्नेछ । बैंकको हकप्रद निष्काशन तथा बिक्री प्रबन्धकमा एनआईबिएल क्यापिटल लिमिटेड रहेको छ ।

बैंकको हकप्रदमा एनआईबीएल क्यापिटल मार्केट, माउन्ट मकालु डेभलपमेन्ट बैंक लालीगुराँस नगरपालिका २ तेह्रथुम तथा डेभलपमेन्ट बैंकका शाखा कार्यालयबाट आवेदन दिन सकिनेछ । त्यस्तै नेपाल इन्भेष्टमेन्ट बैंकको शाखा कार्यालयहरु चिप्लेढुँगा पोखरा, विराटनगर, वीरगञ्ज, नेपालगञ्ज, नारायाणगढ, बुटवल र धनगढीबाट आवेदन दिन सकिने बिक्री प्रबन्धकले जनाएको छ ।