मिर्मिरे माइक्रोफाइनान्सले बोनस शेयर मात्रै दिने

काठमाडौं। मिर्मिरे माइक्रोफाइनान्स डेभलपमेन्ट बैँक लिमिटेडले ३० दशमलव ८० प्रतिशत बोनस शेयर मात्रै दिने भएको छ । माइक्रोफाइनान्सले यसअघि  ३० दशमलव ८० प्रतिशत बोनस शेयर र कर प्रयोजनको लागि १ दशमलव ६२ प्रतिशत नगद लाभांश दिने प्रस्ताव गरेको थियो ।

उक्त प्रस्ताव राष्ट्र बैंक समक्ष अनुमोदनका लागि पेश गर्दा ग्राहक संरक्षण कोषमा पर्याप्त रकम जम्मा गर्नू भन्ने निर्देशन आएपछि नगद लाभांश नदिने निर्णय गरिएको कम्पनीले जनाएको छ । त्यसकारण माइक्रोफाइनान्सले ३० दशालव ८० प्रतिशत बोनस शेयरमात्रै दिने प्रस्ताव गरेको छ । बोनसमा लाग्ने कर भने लगानीकर्ताले नै तिर्नुपर्ने भएको छ ।