बैंकर्स संघको उपाध्यक्षमा अनुकुल भटनागर

काठमाडौं । वाणिज्य बैंकहरुको छाता संगठन नेपाल बैंकर्स संघको उपाध्यक्षमा अनुकुल भटनागर नियुक्त भएका छन् । मंगलबार बसेको संघको कार्य समिति बैठकले रिक्त रहेको उपाध्यक्ष पदमा भटनागरलाई नियुक्त गरेको हो ।

ज्ञानेन्द्र ढुङ्गाना उपाध्यक्षबाट अध्यक्षमा निर्वाचित भएपछि उपाध्यक्षको पद रिक्त थियो । भटनागर नेपाल एसबिआई बैंकका प्रमुख कार्यकारी अधिकृत हुन् ।