इन्धन अभावको चरम अभाव

काठमाडौं ।भारतले सिमा क्षेत्रबाट इन्धन बोकेका ट्रकहरु नेपाल प्रवेशमा रोक लगाएपछि नेपालमा इन्धन अभावले चरम रुप लिएको छ । भारतले गरेको अघोषित नाकाबन्दीका कारण इन्धन बोकेका ट्रकहरु नेपाल प्रवेश गर्न भारतले निषेध गरेको छ ।

यता इन्धन अभावका कारण सरकारले आइतबार देखी सवारीसाधनहरु जोरबिजोर प्रणालीमा चलाउन आग्रह गरेको छ । नेपाल आयल निगमसंग पेट्रोलियम पदार्थको मौज्दात कम भएपछि सरकारले जोरबिजोर प्रणालीको लागु गरेको हो । यस्तै निगमले समेत निश्चित पम्पहरुलाई मात्र पेट्रोलियम पदार्थ वितरण गर्दै आएको छ ।

निगमले मंगलबारको लागि थानकोट डिपोबाट ५६ पम्पहरुलाई २३ लाख ६ हजार लिटर डिजेल वितरण गरेको छ भने १३ पम्पहरुलाई एक लाख तिन हजार लिटर पेट्रोल वितरण गरेको छ । यता निगमले सवारीसाधनहरुलाई कोटा प्रणालीमा पेट्रोलिम पदार्थ उपलब्ध गराएको छ ।

अहिले सवारीसाधनहरु जोरविजोर प्रणालीमा गुडिरहेका छन् । यसरी जोरबिजोर प्रणालीको लागुले सवारीसाधनहरु चपमा कमी आएको छ । साथै इन्धन अभावका कारण सवारीसाधनहरु विस्तारै पातलिँदै गएको छ । यता पम्पहरुमा भने सवारीसाधनहरुमा लाइन बढ्दै गएको छ ।