नेपालको ऊर्जा क्षेत्रमा लगानी गर्न मन्त्री पुनको आग्रह



काठमाडौ ।  ऊर्जा, सिँचाइ तथा जलस्रोतमन्त्री वर्षमान पुनले नेपालको ऊर्जा क्षेत्रमा लगानीका लागि बेलायतलाई आग्रह गर्नुभएको छ ।

मन्त्री पुनसँग शिष्टाचार भेटका लागि आज मन्त्रालय पुग्नुभएका नेपालका लागि बेलायती राजदूत रिचर्ड मोरीसलाई सो आग्रह गर्नुभएको हो ।

मन्त्री पुनले नेपालमा राजनीतिक स्थायित्वको युग शुरु भइसकेको भन्दै बेलायती लगानीकर्तालाई नेपालको ऊर्जा क्षेत्रमा लगानीका लागि प्रोत्साहन गरिदिन राजदूत मोरीसलाई आग्रह गर्नुभएको थियो ।

उहाँले आफू ऊर्जामन्त्रीको रुपमा कार्यभार सम्हालेसँगै ऊर्जा, जलस्रोत तथा सिँचाइ क्षेत्रको वर्तमान अवस्था र भावी मार्गचित्र समेटिएको श्वेतपत्र सार्वजनिक गरिएको बताउनुभयो ।

मन्त्री पुनले प्रशारण लाइनको गुरुयोजना भर्खरै मन्त्रालयको तर्फबाट सार्वजनिक भएको भन्दै त्यसमा बेलायती लगानीकर्तालाई लगानी गर्न आग्रह गर्नुभयो ।

मन्त्री पुनले नेपालको जलविद्युत् क्षेत्रमा समेत लगानीको उपयुक्त वातावरण बनेको धारणा राख्नुभयो । उहाँले वर्तमान सरकारको नीति लगानीमैत्री वातावरण बनाउनेतर्फ रहेको भन्दै त्यसका लागि नयाँ नीति ल्याउने र केही नीतिमा परिमार्जन गर्ने तयारी भइरहेको जानकारी दिनुभयो ।

भेटमा राजदूत मोरीसले ऊर्जा क्षेत्रमा सहकार्य गर्न बेलायत सरकार तयार रहेको बताउनुभयो । उहाँले वैकल्पिक ऊर्जाको क्षेत्रमा बेलायती सहयोग नियोग डिएफआइडी मार्फत काम भइरहेको जानकारी दिँदै आगामी दिनमा समेत सहकार्य जारी राख्ने प्रतिबद्धता व्यक्त गर्नुभयो ।

राजदूत मोरीसले नेपाललाई सहयोग गर्ने विषयमा विकास साझेदार अन्य अन्तर्राष्ट्रिय संघसंस्थाहरूसँग समन्वयात्मक ढंगले काम गर्न आफूहरू तयार रहेको धारणा राख्नुभयो ।

 

 

प्रतिक्रिया दिनुहोस
नेपाल एयरलाइन्सको निजीकरणको कामलाई यथावस्थामा राख्न सर्वोच्च अदालतको आदेश

काठमाडौँ । नेपाल वायुसेवा निगम (नेपाल एयरलाइन्स) को निजीकरणको कामलाई यथावस्थामा राख्न सर्वोच्च

पब्लिक कम्पनी बनेसँगै नर्भिकमा नयाँ संचालक समिति चयन

काठमाडौं । प्राइभेट लिमीटेडबाट पब्लिक लिमीटेड कम्पनीमा रुपान्तरण भएसँगै नर्भिक इन्टरनेशनल हस्पिटल एण्ड

मेवा खोला हाइड्रोपावरमा लगानी जुट्यो, सात वाणिज्य बैंकले लगानी गर्ने

काठमाडौ । प्रदेश नंं. १ को ताप्लेजुङ्ग जिल्ला साविक थुकिमा, लिङतेप एवं खाम्लुङ्गगा.वि.स.

उत्पादनबृद्धि नगरी आत्मनिर्भर अर्थतन्त्रको निर्माण गर्न सकिदैनः अर्थमन्त्री शर्मा

काठमाडौं । अर्थमन्त्री जनार्दन शर्माले हरेक कुरामा मुलुक आत्मनिर्भर नभएसम्म जनताको समस्या समाधान

प्रकाशित मिति २०७८ असार १ देखि