आजदेखि अनलाइन प्रणाली



काठमाण्डौ । नेपाल स्टक एक्सचेञ्जले पूर्ण स्वचालित अनलाइन सेयर कारोबार प्रणालीको पूर्ण परीक्षण आजदेखि सुरु गरेको छ । यसका लागि आफ्ना ब्रोकरमा गएर लगानीकर्ताले यूजर नेम र पासवर्ड लिनुपर्नेछ ।

नेप्सेले यसअघि सार्वजनिक गरेको तालिका अनुसार साउन १ गतेदेखि अनलाइन कारोबार प्रणालीको पूर्ण परीक्षण सुरु भएको हो । लगानीकर्ताले समेत अनलाइन कारोबार प्रणाली चलाउन पाएका छन् ।

नेपाल स्टक एक्सचेञ्जका निराजन फूयाँलका अनुसार आफ्ना ब्रोकरकोमा गएर यूजर नेम तथा पासवर्ड लिएपछि लगानीकर्ताले अनलाइन प्रणालीमा प्रवेशको अवसर पाउनेछन् । पूर्ण परीक्षणकालको सुरुवात भएकोले उनीहरुले आफ्ना ब्रोकरहरुलाई अनलाइन खरीद वा बिक्रीको अर्डर भने दिनसक्ने छैनन् ।

‘परीक्षणका लागि लगानीकर्ताले यूजर नेम र पासवर्ड लिनु पर्छ । तर परीक्षण अवधिभर उनीहरु आफैंले अर्डर इन्ट्री गर्न भने पाउँदैनन् ।’ फूयाँलले  भने-‘अहिले जसरी ब्रोकरलाई अर्डर दिन्छन् त्यसरी नै दिनुपर्छ, तर त्यो अर्डर कसरी कसरी एक्जिक्यूट भयो भन्ने कुरा चाहि लगानीकर्ताले हेर्न सक्छन् ।’

उनका अनुसार अर्डर दिने बाहेकका सबै काम अनलाइनमै हुन्छ । युजर एसेप्टेन्स टेष्ट(युएटी)नभई अनलाइन प्रणाली भ्यालिड हुन्न । यूएटीका लागि २ वटा कम्पनी छनौट भइसकेका छन् ।

यसको अर्थ आजदेखि लगानीकर्ताले अनलाइन अर्डर दिन पाउँदैनन्, तर अर्डर दिइसकेपछि कसरी अगाडि बढ्छ, के के काम हुन्छ भन्ने कुरा चाहि हेर्न पाउँछन् । यसरी हेर्दा आजदेखि सुरु पूर्ण परीक्षणसँगै अनलाइन प्रणालीमा प्रवेश गरेर लगानीकर्ताले पनि कारोबार गर्न सिक्नेछन्, हात बसाउने छन् ।

यूएटी अवधिभरि लगानीकर्ताका लागि पुरानो सिस्टम समेत समानान्तर ढंगले लगिनेछ । जानकारहरुका अनुसार यसलाई अझ राम्रोसँग भन्दा आजदेखि लगानीकर्ताले अहिलेकै तरिकाले अर्डर दिन्छन्, त्यो अर्डर कसरी म्याच भयो, त्यसपछि कस्तो रिपोर्ट आयो भन्ने कुरा लगानीकर्ताले आफ्नो टर्मिनलमा हेर्ने सुविधा पाउँछन् ।

पूर्व निर्धारित समयतालिका अनुसार प्रणाली निर्माता कम्पनी वाइको प्रालिले आवश्यक सबै मोड्यूलहरु एकीकृत रुपमा तयार पारी नेप्सेलाई दिएपछि आजदेखि पूर्ण परीक्षण संभव भएको हो ।

अनलाइन प्रणालीको परीक्षणअघि नेप्सेले कारोबारमा सम्बद्ध पक्षहरु धितोपत्र दलाल, सिडिएससी, क्लियरिङ बैंक र लगानीकर्तासँग समेत औपचारिक तथा अनौपचारिक छलफल गरिसकेको छ ।

 

 

 

प्रतिक्रिया दिनुहोस
कोभिडको मारमा झापाका सहकारी, धमाधम बन्द गर्न थाले सेवा

काठमाडाै । कोरोना भाइरसका कारण जोखिम बढेसंगै झापा जिल्लाका सहकारीहरुले आफ्नो कार्यालयबाट दिने

‘आइएमई पे ’ र साइकल सिटी नेटवर्क नेपाल वीच सम्झौता

काठमाडौँ । आइएमई ग्रुपद्वारा संचालित आइएमई डिजिटल सोलुसन लिमिटेडद्वारा प्रवद्र्घित ‘आइएमई प‘े र

एनएलजी इन्स्योरेन्सको शेयर मूल्य समायोजन

काठमाडाैं । नेपाल स्टक एक्सचेन्ज नेप्सेमा एनएलजी इन्स्योरेन्सको शेयर मूल्य समायोजन भएको छ

सेयर बजारको उकालो यात्रा कायमै

काठमाडाैं । बुधबार नेपाल स्टक एक्स्चेञ्ज(नेप्से) ३ सय १ सय १२ दशमबल ९५

प्रकाशित मिति २०७८ असार १ देखि