राष्ट्र बैंकले सेयर ब्रोक्ररलाई मार्जिन लेन्डिङको काम गर्नको लागि स्वीकृत दियाे



काठमाडौं । नेपाल राष्ट्र बैंकले सेयर ब्रोक्ररलाई मार्जिन लेन्डिङको काम गर्नको लागि स्वीकृत दिएको छ ।

राष्ट्र बैंकले एकसाता अगाडि मार्जिन लेन्डिङको काम गर्ने सम्बन्धी कार्यविधीमा स्वीकृति दिएको थियो ।

नेप्सेका कार्यविधी स्वीकृति भएको जानकारी आइसकेको छ । अहिले ५० वटा सेयर ब्रोक्ररले मार्जिन लेन्डिङको काम गर्ने सुविधा पाउने छन् । यसको लागि ब्रोक्ररको चुक्ता पुँजी ५ करोड हुनुपर्छ । अहिले ब्रोक्ररहरुको पुँजी ५ करोड छैन ।
५० वटा ब्रोक्रर कार्यालयले मार्जिन लेन्डिङको काम गर्नको लागि २ अर्ब २५ करोड रुपैयाँ लगानी पुर्याउनुपर्ने हुन्छ ।

‘मार्जिन लेन्डिङको सुविधा दिनको लागि ब्रोक्रर कम्पनीले ५ करोड चुक्ता पुँजी पुर्याउनुपर्छ, काम गर्ने वा नगर्ने भन्ने विषय ब्रोक्रर स्वतन्त्र हुने छ,’ कार्यविधीमा उल्लेख छ ।

धितोपत्र बोर्डले गत वर्षको कात्तिकमा नै ब्रोक्रर कम्पनीलाई मार्जिन लेन्डिङको सुविधा दिने निर्णय गरेको थियो । राष्ट्र बैंकबाट कार्यविधी स्वीकृत नभएको हुँदा यो कार्यान्वयनमा आउन सकेको थिएन ।

यसरी नेपाल धितोपत्र बोर्डबाट अनुमति पाएका दलाल व्यवसायीलाई सुविधा उपलब्ध गराउने विषयमा गत वर्ष कात्र्तिक महिनामै निर्णय गरीएको थियो । निर्णय भने कारोबार सुविधा सम्बन्धी निर्देशिका, २०७४ जारी गरेको थियो ।
व्यवसायीले सुविधा लिन इच्छाएको अवस्थामा (नेप्से)को स्विकृति लिनुपर्छ । यसरी स्विकृति लिएपछि व्यवसायीले मार्जिन कारोबार सञ्चालन गर्न सक्ने छन् ।

ब्रोक्रर कम्पनीले मार्जिन लेन्डिङ दिन सक्ने कम्पनीमा १० हजार सेयरधनी रहेको तथा २ वर्षदेखि १० प्रतिशत लाभांश दिएको सूचिकृत कम्पनीमा मात्र दिन पाउने व्यवस्था छ । ब्रोक्रर कम्पनीले यसरी आफ्नो स्रोत तथा वाणिज्य बैंकसँग लिने रकमको दुईगुणासम्म यस्तो सुविधा दिन सक्ने छन् ।

लगानीकर्ताले सूचिकृत कम्पनीको १८० दिनको औसत मुल्य वा बजार मुल्यमा जुन कम हुन्छ त्यसको ५० प्रतिशतमात्र मार्जिन लेन्डिङ अन्तर्गत ऋण पाउने छन् ।साभार क्लिकमाण्डु डटकम

 

 

प्रतिक्रिया दिनुहोस
कोभिडको मारमा झापाका सहकारी, धमाधम बन्द गर्न थाले सेवा

काठमाडाै । कोरोना भाइरसका कारण जोखिम बढेसंगै झापा जिल्लाका सहकारीहरुले आफ्नो कार्यालयबाट दिने

एनएलजी इन्स्योरेन्सको शेयर मूल्य समायोजन

काठमाडाैं । नेपाल स्टक एक्सचेन्ज नेप्सेमा एनएलजी इन्स्योरेन्सको शेयर मूल्य समायोजन भएको छ

सेयर बजारको उकालो यात्रा कायमै

काठमाडाैं । बुधबार नेपाल स्टक एक्स्चेञ्ज(नेप्से) ३ सय १ सय १२ दशमबल ९५

निर्माण व्यवसायी सिंहसहित पाँच जनाविरुद्ध विशेष अदालतमा मुद्दा दायर

निर्माण व्यवसायी महासंघका अध्यक्ष रबी सिंहसहित पाँच जनाविरूद्ध भ्रष्टाचार मुद्दा दायर भएको छ

प्रकाशित मिति २०७८ असार १ देखि