आर्थिक विकासबारे राष्ट्रिय सम्मेलन हुने « Devoted for Economic Devlopment, आर्थिक विकासको लागि समर्पित

अर्थतन्त्र

आर्थिक विकासबारे राष्ट्रिय सम्मेलन हुने



काठमाडौं । ख्वप कलेज भक्तपुरले ‘आर्थिक विकासमा व्यवस्थापनको भूमिका’ विषयमा दुईदिने राष्ट्रिय सम्मेलन गर्ने भएको छ । विश्वविद्यालय अनुदान आयोगको सहयोगमा हुने सम्मेलन आगामी जेठ ३१ ग्ते शुक्रबार र ३२ गते शनिबार भक्तपुरमा हुने कलेजले जनाएको छ ।
आयोजक कलेजका प्रचार्य रुपक जोशीले समग्र मुलुकको आर्थिक विकासमा सहयोग पु¥याउने उद्देश्यका साथ पहिलो पटक सम्मेलन गर्न लागेको जानकारी गराए । सम्मेलनमा विभिन्न कार्यपत्रहरु प्रस्तुति हुने प्राचार्य जोशीले जनाए । संस्थागत, व्यक्तिगत र विद्यार्थी गरी तीन वर्गबाट विभिन्न विषयमा कार्यपत्रहरु प्रस्तुति हुने उनले जनाए ।

एकाउन्टेन्सी, फाइनान्स, मार्केटिंग, फाइनान्सिएल मार्केट, लेवर रिलेशन, इन्टरनेशनल ट्रेड, इकोनोमिक ग्रोथ एण्ड डेभलपमेन्ट, ह्युम रिसोर्स म्यानेजमेन्ट, प्रोडक्सन एण्ड अपरेशन म्यानेजमेन्ट, इन्टरप्रियनर्स डेभलपमेन्ट, बैंकिंग एण्ड इन्स्युरेन्स तथा अरु म्यानेजमेन्टसँंग सम्वन्धित विषयमा रहेर कार्यपत्र प्रस्तुत गर्न सकिने जनाइएको छ । त्यसका लागि विभिन्न विज्ञहरुलाई आह्वान गरिसकेको कलेजले जनाएको छ ।
सम्मेलनमा देशभरबाट एक सयदेखि एक सय ५० जनाको सहभागिता रहने कलेजको अपेक्षा छ । त्यसका लागि आवश्यक सम्पूर्ण तयारीको काम तीव्र रुपमा भइरहेको कलेजले जनाएको छ । २०५८ स्थालमा स्थापित कलेजले स्थापनाको २० वर्षको उपलक्ष्यमा २०७८ सालमा अन्तर्राष्टिय सम्मेलन गर्ने योजना रहेको जनाइएको छ ।

सम्मेलन तीन चरणमा हुने जनाइएको छ । उदघाटन, टेक्निकल सेक्सन र समापन हुने जनाइएको छ । सम्मेलन सफलतापूर्वक सम्पन्न गर्न राजन फाँंजूको संयोजकत्वमा विभिन्न समितिहरु गठन गरिएका छन् ।

कलेज भक्तपुर नगरपालिकाद्धारा सञ्चालित छ । स्थानीय निकायबाट सञ्चालित यो देशकै एउटै मात्रै कलेज हो । देश र जनताप्रति समर्पित भन्ने नाराका साथ भक्तपुर नगरपालिकाले योबाहेक ख्वप इन्जिनियरिंग कलेज, ख्वप कलेज अफ इन्जिनियरिंग गरी सात वटा कलेजहरु सञ्चालित छन् । यसअघि दुई वटा इन्जिनियरिंग कलेजहरुले वैशाखमा संयक्त रुपमा दोश्रो अन्तर्राष्टिय सम्मेलन गरेको थियो ।

प्रकाशित : ४ जेष्ठ २०७६, शनिबार ०९:१९