काठमाडौं । बीमा समितिले सिद्धार्थ इन्स्योरेन्स लिमिटेडको २५ प्रतिशत बोनस सेयर स्वीकृत गरेको छ । यो इन्स्योरेन्सले गत आर्थिक वर्षको नाफाबाट लगानीकर्तालाई बोनस दिन लागेको हो । गत आर्थिक बर्षमा कम्पनीले १६ करोड १५ लाख रुपैयाँ खुद आम्दानी गरेको थियो ।
यो बोनस सेयर कम्पनीको आगामी साधारण सभाले पारित गरेपछि वितरण हुनेछ । हाल कम्पनीको चुक्ता २७ करोड ५८ लाख रुपैयाँ छ । बोनस वितरण पछि चुक्ता पुँजी करिब ३५ करोड रुपैयाँ पुग्नेछ । चालु आर्थिक बर्षको वित्तिय विवरण अनुसार कम्पनीको जगेडाकोषमा २० करोड १४ लाख रुपैयाँ तथा बीमाकोषमा २४ करोड रुपैयाँ रहेको छ ।
Comment