इलाममा प्रथम सूर्योदय महोत्सवको तयारी



काठमाडौं । इलामको सूर्याेदय नगरपालिकामा मंसिर १४ देखि १८ गतेसम्म आयोजना गर्न लागिएको ‘प्रथम सूर्योदय महोत्सव–२०७६’को तयारी लगभग अन्तिम चरणमा पुगेको छ ।
सुक्रबार काठमाडौंमा पत्रकार सम्मेलन गर्दै पाँच लाख पर्यटक भित्र्याउने योजनासहित तयारी भइरहेको जानकारी गराइयो ।

इलामको प्रमुख पर्यटकीय गन्तव्य सूर्योदय नगरपालिकाले संघीय सरकाले घोषणा गरेको नेपाल भ्रमण वर्ष २०२० लाई सघाउन र नगरभित्र आन्तरिक तथा बाह्य पर्यटन प्रवर्द्धन गर्न महोत्सवको आयोजना गर्न लागिएको सूर्योदय नगरपालिकाका प्रमुख रणबहादुर राईले बताए ।

सम्मेलनमा पूर्वप्रधानमन्त्री झलनाथ खनालले सूर्योदयले आयोजना गर्न लागेको महोत्सवमा उपस्थित हुन आन्तरिक तथा बाह्य पर्यटकहरूलाई आग्रह गरे ।

इलामको सोही निर्वाचन क्षेत्रका सांसद समेत रहेका खनालले इलाम नेपालकै महत्त्वपूर्ण पर्यटकीय गन्तव्य भएको बताउँदै पर्यटन महोत्सवले सरकारले घोषणा गरेको नेपाल भ्रमण वर्ष सफल पार्न पनि सहयोग गर्ने विश्वास व्यक्त गरे ।

पूर्वप्रधानमन्त्री खनालले छिमेकी मुलुक भारतको दार्जिलिङ, पश्चिम बंगाल, सिक्किम, भुटान तथा बंगलादेशबाट एकै दिनमा आइपुगिने गन्तव्य भएकाले पनि यो महोत्सवमा बाह्य पर्यटकको आगमन बढ्ने बताए ।

नगरमा इलामका कन्याम, श्रीअन्तु, फिक्कल, पञ्चकन्या, पशुपतिनगर, गोर्खे र थुम्केजस्ता पर्यटकीय स्थान रहेकाले पूर्वको पर्यटनमा यो नगरपालिकाको छुट्टै योगदान रहेको जानकारी गराइयो ।

यो नगर प्रदेश सरकारले घोषणा गरेको प्रदेश १ को एकमात्र पर्यटकीय नगर र संघीय सरकारले घोषणा गरेको १ सय प्रमुख पर्यटकीय गन्तव्यमा पर्ने नगर हो । अर्थोेडक्स चिया, अदुवा, अलैंची, आलु, अम्लिसो, अकबरे खुसार्नी र ओलन (दूध) गरी सात ‘अ’ को नगरका रूपमा यो नगर परिचित भएको मेयर राईले जानकारी गराए ।

महोत्सव अवधिभर कन्याम, श्रीअन्तु, फिक्कल, पञ्चकन्या, पशुपतिनगर लगायतका स्थानमा मौलिक परिकारसहितको फुड फेस्टिबल, सांस्कृतिक कार्यक्रम, चंगा चेट, घोडाको सौन्दर्य प्रतियोगिता, एतिहासिक गोर्दे मेला, फोटो प्रर्दशनीजस्ता कार्यक्रम आयोजना गरिने सूर्योदय नगरपालिका–९ का वडा अध्यक्ष देवेन्द्र शर्मा आचार्यले जानकारी दिए ।
महोत्सवको प्रथम दिन उदाउँदो सूर्यलाई पूजा गर्दै उदघाट्न गरिने छ । टी टेस्टिङ, डम्फू नाँच, लाप्चा दरबार अवलोकन, रेड पाण्डा ट्रेल, देउराली हाईक, साइकल दौडलगायतका कार्यक्रमहरु तय भएको पनि शर्माले जानकारी गराए ।

प्रतिक्रिया दिनुहोस
मासिक १२ सय रुपैयाँमै इन्टरनेट

काठमाडौं । इन्टरनेट सेवा प्रदायक कम्पनी क्लासिक टेक १० वर्ष पुरा गरी ११

३७८ जना नयाँ कोरोना संक्रमित फेला

काठमाडाै । ३७८ जना नयाँ कोरोना संक्रमित फेला परेका छन् । नियमित प्रेस

एसबिआई बैंकका ग्राहकलाई काठमाडौं र नेपालगञ्जको सोल्टी होटलमा विशेष छुट

काठमाडौं । नेपाल एसबिआई बैंकका ग्राहकलाई काठमाडौंको सोल्टी क्राउन प्लाजा र नेपालगञ्जको साल्टी

कर तिर्दा कोरोना भाग्छ हो ?

धनगढी । धनगढीको तारानगरस्थित यातायात व्यवस्था कार्यालय शुक्रबार बिहान साढे ९ बजे भरिभराउ