अरनिको डेभलपमेन्ट बैंकको खुद मुनाफा ५९ प्रतिशतले वृद्धि

काठमाडौ। २५ करोड रुपैयाँ चुक्ता पुँजी भएको अरनिको डेभलपमेन्ट बैंकले तेस्रो त्रैमासमा खुद मुनाफा ५९ दशमलव ०९ प्रतिशतले वृद्धि गरी ३ करोड ५८ लाख रुपैयाँ कमाउन सफल भएको भने गत वर्षको सोहि अवधिमा २ करोड २१ लाख रुपैयाँ मुनाफा आर्जन गरेको थियो ।

बैंकले ६ करोड ५१ लाख रुपैयाँ जगेडाकोषमा राखिएको छ । निक्षेपमा गत वर्षको सोहि अवधिको तुलनाभन्दा ५४ दशमलव २० प्रतिशतले वृद्धि गरी १ अर्ब ८८ करोड ९८ लाख रुपैयाँ संकलन गरी कर्जामा १ अर्ब ७१ करोड ९८ लाख रुपैयाँ लगानी गरेको छ । बैंकको खुद व्याज आम्दानीमा ११ दशमलव ८६ प्रतिशतले बढेर ६ करोड ६९ लाख रुपैयाँ पुगेको छ । त्यस्तै गरी सञ्चालन मुनाफामा ८ दशमलव ३३ प्रतिशतले बढेर २ करोड ६७ लाख रुपैयाँ पुगेको छ । बैंकले ३ करोड ४५ लाख रुपैयाँ प्रोभिजनमा राखिएको छ भने २ करोड ६७ लाख रुपैयाँ खराब कर्जा उठाउन सफल भएको छ ।

बैंकको प्रतिशेयर आम्दानी वार्षिक १८ दशमलव ५६ रुपैयाँ रहेको छ भने मुल्य आम्दानीको अनुपात वार्षिक १४ दशमलव ३८ गुणा रहेको छ । प्रतिशेयर नेटवर्थ १ सय २५ दशमलव २७ रुपैयाँ रहेको छ । बैंकको निस्कृय कर्जा १ दशमलव ८४ प्रतिशत रहेको छ भने जोखिम युक्त सम्पत्ति १६ दशमलव ४३ प्रतिशत रहेको छ ।