ग्लोबल आइएमईले कमायो सबैभन्दा धेरै नाफा, १७ वाणिज्य बैंकको नाफा घट्यो



काठमाडौं । गत वर्षको तुलनामा यसबर्ष १७ वटा वाणिज्य बैंकहरुको नाफा घटेको छ ।

यो आर्थिक वर्षको पहिलो छ महिनामा १७ वाणिज्य बैंकहरुको नाफा गत वर्षको सोही अवधिको तुलनामा खस्किएको हो ।

दश वटा बैंकको भने नाफा बढेको देखिएको छ । मर्ज गरेर यो वर्ष संयुक्त कारोबारको विवरण देखाइँदा केही बैंकको नाफा बढेको देखिएको छ । समग्रमा २७ वाणिज्य बैंकले साउनदेखि पुस मसान्तसम्म ३१ अर्ब ७ करोड रुपैयाँ खुद नाफा कमाएका छन् ।

गत वर्षको यस अवधिमा ३२ अर्ब २० करोड नाफा कमाएका थिए । कोरोना प्रभावले आर्थिक गतिविधिमा संकुचन आउँदा नाफामा कमी आएको बैंकर्स एशोशिएसनले जनाएको छ ।

लगानीयोग्य रकम थन्किंदा बैंकको लागत बढ्न गएर नाफामा असर परेको एशोशिएसनले जनाएको छ । बैंकहरुको स्प्रेड दर घट्दै जाँदा नाफामा असर परेको बैंकहरुको ठहर छ ।

हाल यस्तो दर औसतमा ४ प्रतिशत छ, जबकि गत वर्षको यस अवधिमा ५ प्रतिशत रहेको थियो । बैंकहरुले बचतकर्तालाई दिने ब्याज र ऋणीबाट लिने ब्याजको औसत दर नै स्प्रेड दर हो । यो दर नै बैंकहरुको आम्दानी हो ।

गत वर्ष पुस मसान्तसम्म राष्ट्रिय वाणिज्यले सबैभन्दा धेरै, २ अर्ब २० करोड खुद नाफा कमाएको थियो । यो वर्ष उसको नाफा १ अर्ब ७५ करोडमा खुम्चिएको छ । ग्लोबल आइएमईले ६ महिनामा सबभन्दा धेरै नाफा कमाएको छ ।

तत्कालीन जनता बैंकलाई गाभेकाले ग्लोबल आइएमईको नाफा उच्चदरले बढेको देखिन्छ । त्यस्तै मेगा, प्राइम कमर्सियल, एनएमबी र कुमारीको नाफा मर्जरएक्वीजिसनकै कारण उच्चदरले बढेको देखिन्छ । प्रभु, सिटिजन्स, नेपाल बंगलादेशले भने वास्तविक रूपमै नाफा बढाएका छन् । सनराइज र एनआइसी एसियाको नाफा पनि सामान्य बढेको छ ।

प्रतिक्रिया दिनुहोस
कुमारी बैंक र जीवन्त एडभान्स काठमाडौं इमेजिङ्गबीच सम्झौता

आफ्ना ग्राहकहरुलाई स्वास्थ्य र स्वास्थ्य सम्बन्धी विभिन्न सेवाहरु लिंदा सेवाप्रदायकबाट विशेष सहुलियतको व्यवस्थालाई

महिला लघुवित्तको आइपीओ शुक्रबार बाँडफाँड हुने

काठमाडौं । महिला लघुवित्त वित्तीय संस्थाको आइपीओ शुक्रबार बाँडफाँड हुने भएको छ ।

कुमारी बैंकको २ लाख २८ हजार कित्ता संस्थापक शेयर बिक्रीमा

काठमाडाै । कुमारी बैंक लिमिटेडले २ लाख २८ हजार ४ सय कित्ता संस्थापक

आरम्भ चौतारीको लाभांश घोषणा

काठमाडाै । आरम्भ चौतारी लघुवित्त वित्तीय संस्था लिमिटेडले लाभांश घाेषणा गरेकाे छ ।