डिसी मेट्रोमा डा केसीको समर्थन

वासिडटन डिसी ः अमेरिकाको डिसी मेट्रो क्षेत्रमा बसोवास गर्ने नेपालीले
चिकित्साक्षेत्रका आमूल सुधार र भ्रस्टाचार विरुद्ध डा. गोविन्द केसीले
सुरुगरेको अभियानमा समर्थन जनाएका छन् ।
हामी चाहन्छौ ः सुशासन, डा. केसी चिरायु रहुन जस्ता नारा लगाउदै उनीहरुले
नेपालमा चिकित्सा क्षेत्रमा व्याप्त भ्रस्टाचार र अनैतिकताविरुद्ध आवाज
उठाएका हुन् ।
कार्यक्रममा बोल्दै साहित्यकार कृष्ण धारावासीले मेडिकल माफियाबाट नेपाली
चिकित्सा क्षेत्रलाई बचाउन डा. केसीको आन्दोलनमा समर्थन गर्नुको विकल्प
नरहेको बताए । ‘मेडिकल माफियाको जालमा प्रमुख दलहरु नेपाली काँगेस र
नेकपा एकाले फसेका छन् । यो नै हाम्रो दुर्भाग्य हो’, उनले भने । नेपालका
भ्रस्ट नेतालाई लाखौं इमेल र पत्रमार्फत डा. केसीको आन्दोलनको समर्थन
गर्न बाध्य पार्नु विदेशमा रहेको नेपालीको दायित्व रहेको धारावासीले बताए
।
सामाजीक अभियन्ता उत्तम निरौलाले भ्रस्टाचारको समर्थन गर्ने वा विरोध
नगर्ने नेपाली नेतालाई विदेशमा रहेका हरेका नेपाली संगठनले बहिस्कार
गर्नु पर्ने कुरामा जोड दिए । ‘चाहे कांग्रेस हुन, एमाले वा माओवादी नेता
भ्रस्ट भएकाले नै नेपालमा समस्याको निकास ननिस्कनमा तिनीहरु नै दोषी
छन्’, उनले भने ।
स्वास्थ्य क्षेत्रको व्यापारिकरण नेपालको जस्तो देशका लागि उपयुक्त
नभएकोले विरोधका आवाज बुलन्द गर्नु परेको नेपालमा स्वास्थ्यकर्मी समेत
काम गरेका राजन घिमिरेले बताए । ‘म डा. केसीलाई राम्रोसंग चिन्छु, उहाँको
आन्दोलनमा व्यक्तिगत स्वार्थ छदैछैन तसर्थ हामीले उहाँको आन्दोलनमा
समर्थन गर्नु हाम्रो नैतिक दायित्व हो ।’