सुनचाँदीको मुल्य घट्यो, कति पुग्यो तोलाको ?

काठमाडौं । सोमबार सुनको मुल्य ४०० रुपैयाँले घटेको छ । नेपाल सुनचाँदी व्यवसायी महासंघका अनुसार सोमबार छापावाल सुन प्रतितोला ४०० रुपैयाँले घटेर ९५ हजार ४०० रुपैयाँ कायम भएको छ । यसैगरी, तेजावी सुनको मूल्य तोलाको ९४ हजार ९०० रुपैयाँ निर्धारण भएको छ ।

अघिल्लो दिन छापावाल सुन प्रतितोला ९५ हजार ८०० रुपैयाँमा कारोबार भएको थियो ।

यता, सोमबार चाँदीको मुल्य भने तोलामा १० रुपैयाँले घटेर १२ सय २० रुपैयाँ कायम भएको छ । आइतबार चाँदीको मुल्य प्रतितोला १२ सय ३० रुपैयाँ कायम रहेको थियो ।